എം.വൈ. നൂറുദ്ദീൻ അനുസ്മരണം

പെരുമ്പിലാവ്: നിസ്വാർഥ സേവനത്തി​െൻറ ഉജ്വല മാതൃകയായിരുന്നു എം.വൈ. നൂറുദ്ദീനെന്ന് അനുസ്മരണ യോഗം അഭിപ്രായപ്പെട്ടു. വെൽഫെയർ പാർട്ടി കടവല്ലൂർ പഞ്ചായത്ത് കമ്മിറ്റി പെരുമ്പിലാവിൽ സംഘടിപ്പിച്ച അനുസ്മരണ യോഗം വെൽഫെയർ പാർട്ടി ജില്ല പ്രസിഡൻറ് എം.കെ. അസ്ലം ഉദ്ഘാടനം ചെയ്തു. എം.വൈ. നൂറുദ്ദീ​െൻറ കർമ മണ്ഡലം അശരണർക്കിടയിലായിരുന്നു. അവരുടെ വേദനയും പ്രയാസങ്ങളും തേൻറതെന്നപോലെ ഏറ്റെടുത്ത് പരിഹരിക്കാൻ ശ്രമിച്ചിരുന്ന വ്യക്തിയായിരുന്നു. പാർട്ടി കടവല്ലൂർ പഞ്ചായത്ത് കമ്മിറ്റി പ്രസിഡൻറ് എം.എ. കമറുദ്ദീൻ അധ്യക്ഷത വഹിച്ചു. പ്രഭാത് മുല്ലപ്പള്ളി, കെ.ആർ. രജിൽ, പ്രേംരാജ് ചുണ്ടലാത്ത്, ഇ.എ. കുഞ്ഞിമുഹമ്മദ്, പാർട്ടി ജില്ല സെക്രട്ടറി സുലൈഖ അസീസ്, മണ്ഡലം പ്രസിഡൻറ് പി.എ. ബദറുദ്ദീൻ, ജമാഅത്തെ ഇസ്ലാമി കുന്നംകുളം ഏരിയ പ്രസിഡൻറ് കെ.എം. ഷാജു, പി.എ. ഷഹീദ്, മുഹമ്മദ് കുട്ടി പാതാക്കര, ബിൽഡിങ് ആൻഡ് കൺസ്ട്രക്ഷൻ തൊഴിലാളി യൂനിയൻ ജില്ല പ്രസിഡൻറ് കെ. അനീസ്, എൻജിനീയർ മൊയ്തുണ്ണി, സി.എം. ശരീഫ്, ഹിഷാം താലിബ് എന്നിവർ സംസാരിച്ചു.