ആനകളുടെ സുഖചികിത്സ സമാപിച്ചു

ഗുരുവായൂര്‍: ദേവസ്വം ആനത്താവളത്തിലെ ആനകളുടെ സുഖചികിത്സ സമാപിച്ചു. ജൂലൈ ഒന്നിന് ആരംഭിച്ച ചികിത്സയാണ് സമാപിച്ചത്. കൊമ്പന്‍ ചെന്താമരാക്ഷന് ചോറുരുള നല്‍കി ദേവസ്വം ചെയര്‍മാന്‍ കെ.ബി. മോഹന്‍ദാസ് സമാപനം ഉദ്ഘാടനം ചെയ്തു. ഭരണസമിതിയംഗങ്ങളായ എം. വിജയന്‍, കെ.കെ. രാമചന്ദ്രന്‍, പി. ഗോപിനാഥന്‍, എ.വി. പ്രശാന്ത്, അഡ്മിനിസ്ട്രേറ്റര്‍ സി.സി. ശശിധരന്‍, സി. ശങ്കര്‍, ടി.വി. കൃഷ്ണദാസ് എന്നിവര്‍ സംസാരിച്ചു. 18 വര്‍ഷം ആനത്താവളത്തില്‍ നിന്ന് കൊമ്പന്‍ മാധവന്‍കുട്ടിയെ ക്ഷേത്രത്തിലേക്ക്് കൊണ്ടുവന്ന പാപ്പാന്മാരായ സജീവന്‍, കാര്‍ത്തികേയന്‍, സിദ്ധാർഥന്‍, രവീന്ദ്രന്‍ എന്നിവര്‍ക്ക് ചെയര്‍മാന്‍ കെ.ബി. മോഹന്‍ദാസ് പൊന്നാടയും നിലവിളക്കും സമ്മാനിച്ചു.