കുടുംബശ്രീ ജില്ല കലോത്സവം: കൊടകര സി.ഡി.എസ് ജേതാക്കൾ; കായികോത്സവത്തില്‍ നടത്തറ

തൃശൂര്‍: കുടുംബശ്രീ 20ാം വാര്‍ഷികത്തോടനുബന്ധിച്ച് നടത്തിയ ജില്ല കലോത്സവത്തില്‍ കൊടകര സി.ഡി.എസ് ജേതാക്കളായി. കായികോത്സവത്തില്‍ നടത്തറ സി.ഡി.എസാണ് ജേതാക്കൾ. മൂന്ന് ദിവസമായി ശ്രീ കേരളവര്‍മ കോളജിൽ നടന്ന മത്സരങ്ങളിൽ ആയിരത്തില്‍പരം അംഗങ്ങളാണ് പങ്കെടുത്തത്. സമാപന സമ്മേളനം ജില്ല പഞ്ചായത്ത് പ്രസിഡൻറ് മേരി തോമസ് ഉദ്ഘാടനം ചെയ്തു. ജില്ല പഞ്ചായത്ത് ക്ഷേമകാര്യ സ്റ്റാൻഡിങ് കമ്മിറ്റി ചെയര്‍പേഴ്‌സന്‍ പത്മിനി അധ്യക്ഷത വഹിച്ചു. ജില്ല പഞ്ചായത്ത് വൈസ് പ്രസിഡൻറ് കെ.പി. രാധാകൃഷ്ണന്‍, കുടുംബശ്രീ ഗവേണിങ് ബോഡി അംഗം ഷീല വിജയകുമാര്‍, ജില്ല പഞ്ചായത്ത് പൊതുമരാമത്ത് സ്റ്റാൻഡിങ് കമ്മിറ്റി ചെയര്‍മാന്‍ കെ.ജെ. ഡിക്‌സന്‍, നബാര്‍ഡ് എ.ജി.എം ദീപ എസ്. പിള്ള, ജില്ല പഞ്ചായത്ത് അംഗം സിജി മോഹന്‍ദാസ്, കുടുംബശ്രീ ജില്ല മിഷന്‍ അസി. കോ-ഓഡിനേറ്റര്‍മാരായ എം.എ. ബൈജു മുഹമ്മദ്, കെ. രാധാകൃഷ്ണന്‍ എന്നിവര്‍ സംസാരിച്ചു.