പഞ്ചരത്ന കീർത്തനാലാപനത്തോടെ അരങ്ങുണര്‍ന്നു

ഇരിങ്ങാലക്കുട: കൂടല്‍മാണിക്യം ക്ഷേത്രോത്സവത്തി​െൻറ ഒന്നാം ഉത്സവനാളിൽ രാവിലെ കിഴക്കെനടപ്പുരയിൽ ത്യാഗരാജ പഞ്ചരത്ന കീർത്തനാലാപനത്തോടെ കലാപരിപാടികൾക്ക് അരങ്ങുണർന്നു. ഉച്ചക്ക് ഒരുമണി വരെ ചെങ്കോട്ട ഹരിഹര സുബ്രഹ്മണ്യ​െൻറ സമ്പ്രദായഭജന നടന്നു. വൈകീട്ട് ആറിന് സംഗീത കലാനിധി രവികിരണി​െൻറ ചിത്രവീണക്കച്ചേരി. തുടർന്ന് ഗുരു നിർമലപ്പണിക്കർ സംവിധാനം ചെയ്ത് നടനകൈശികി മോഹനിയാട്ടഗുരുകുലം അവതരിപ്പിക്കുന്ന ഭാരത സപ്തം. രാത്രി വിളക്കിന് ശേഷം ഹനൂമദ്ദൂതാങ്കം കൂടിയാട്ടം എന്നിവ നടന്നു. ഗുരു അമ്മന്നൂർ മാധവചാക്യാർ ചിട്ടപ്പെടുത്തിയിട്ടുള്ള ഈ കൂടിയാട്ടം അവതരിപ്പിച്ചത്‌ നടനകൈരളി ആണ്. ഭക്തർക്ക് നവ്യാനുഭൂതിയായി മൃദംഗമേള ഇരിങ്ങാലക്കുട: കൂടല്‍മാണിക്യം ക്ഷേത്രോത്സവ കൊടിയേറ്റിനുശേഷം കിഴക്കേ നടപ്പുരയില്‍ കൊരമ്പ് മൃദംഗ കളരിയുടെ ആഭിമുഖ്യത്തില്‍ മൃദംഗമേള അരങ്ങേറി. കൊരമ്പ് സുബ്രഹ്മണ്യന്‍ നമ്പൂതിരിയാണ് മൃദംഗമേളക്ക് ആരംഭം കുറിച്ചത്. ഒരു മണിക്കൂറിലധികം നീണ്ടുനിന്ന മൃദംഗമേളക്ക് കൊരമ്പ് വിക്രമന്‍ നമ്പൂതിരി നേതൃത്വം നല്‍കി.