കുടമാറ്റത്തിന്​ 'ശിവസുന്ദറും'

തൃശൂര്‍: പത്തരയടി ഉയരം. ചെവികളുൾപ്പെടെ ആറടി വീതി. ഉയര്‍ന്ന കൊമ്പുകള്‍. തിരുവമ്പാടി ശിവസുന്ദറി​െൻറ അതേ രൂപത്തിലുള്ള സ്‌പെഷല്‍ കുടകളാവും ഇത്തവണ കുടമാറ്റത്തി​െൻറ ശ്രദ്ധാകേന്ദ്രം. തിരുവമ്പാടി വിഭാഗത്തിനായി കഴിഞ്ഞ വര്‍ഷങ്ങളില്‍ ശക്തന്‍ തമ്പുരാ​െൻറയും അനന്ത ശയനത്തി​െൻറയും കുടകള്‍ ഇറക്കി കൈയടി നേടിയ യുവാക്കളുടെ കൂട്ടായ്മയാണ് ഇത്തവണ ശിവസുന്ദറി​െൻറ റിയലിസ്റ്റിക് കുടയുമായി രംഗത്തെത്തുന്നത്. ശിവസുന്ദറി​െൻറ വലുപ്പത്തിലും അതേ രൂപത്തിലുമുള്ള കുടകള്‍ ജീവന്‍ തുടിക്കുന്നതുപോലെ തോന്നും. ആനയുടേതുപോലെ ചെവികള്‍ ആടുന്ന സംവിധാനവും കുടകളില്‍ ഒരുക്കിയിട്ടുണ്ട്. ഫൈബറില്‍ തീര്‍ത്ത ഈ കുടകളുടെ നിര്‍മാണത്തിന് ഏകദേശം 80,000 രൂപയോളം ചെലവ് വന്നു. ശില്‍പി പ്രഭാത് മുളശേരിയുടെ നേതൃത്വത്തിലായിരുന്നു നിര്‍മാണം. കൂട്ടാനകള്‍ക്കായുള്ള 14 കുടകളാണ് ശിവസുന്ദറി​െൻറ രൂപത്തിലുള്ളത്. മധ്യത്തിലെ കുട കുടമാറ്റ ദിവസത്തെ സര്‍പ്രൈസായി സൂക്ഷിച്ചിരിക്കുകയാണ്.