ദലിത് ഹർത്താലിന് കെ.എസ്.ആർ.ടി.സിക്ക് കല്ലെറിഞ്ഞവർ അറസ്്റ്റിൽ

തൃപ്രയാര്‍: കഴിഞ്ഞ ഒമ്പതിന് നടന്ന ദലിത് ഹർത്താലിൽ കെ.എസ്.ആർ.ടി.സി ബസിന് കല്ലെറിഞ്ഞ് ഡ്രൈവറെ പരിക്കേൽപ്പിച്ച കേസിൽ രണ്ട് പേരെ വലപ്പാട് പൊലീസ് അറസ്റ്റ് ചെയ്തു. നാട്ടിക സ്വദേശികളായ തൃപ്രയാറ്റ് വീട്ടിൽ അജേഷ് (35), പരത്തി പറമ്പിൽ രജീബ് (45) എന്നിവരെയാണ് എസ്.ഐ ഇ.ആർ. ബൈജുവും സംഘവും അറസ്റ്റ് ചെയ്തത്. ദലിത് ഹര്‍ത്താലി​െൻറ പേരില്‍ വലപ്പാട് പൊലീസ് തൃപ്രയാര്‍ മേഖലയിലെ ദലിത് ഐക്യവേദിയുടെ അഞ്ച് പ്രവര്‍ത്തകര്‍ക്കെതിരെ കള്ളക്കേസ് ചുമത്തുകയും രണ്ടുപേരെ അറസ്റ്റ് ചെയ്തതായും തൃപ്രയാറിൽ ചേർന്ന ദലിത് ഐക്യവേദി ജില്ല കമ്മിറ്റി ആരോപിച്ചു. യോഗത്തില്‍ എ.കെ. സന്തോഷ് അധ്യക്ഷത വഹിച്ചു. എം.എ. ലക്ഷ്മണന്‍, ഷൈജു വാടാനപ്പള്ളി, ടി.വി. രാജു, കെ.എസ്. അനില്‍കുമാര്‍, ദാസന്‍ അഷ്ടമിച്ചിറ, പി.സി. അജയന്‍ എന്നിവർ സംസാരിച്ചു.