വെൽഫെയർ പാർട്ടി വാഹനജാഥ സമാപിച്ചു

എറിയാട്: ഇന്ത്യയിൽ പോരാട്ടത്തി​െൻറ ചരിത്രം ആവർത്തിക്കുകയാണെന്ന് വെൽഫെയർ പാർട്ടി സംസ്ഥാന സെക്രട്ടറി ജോസഫ് ജോൺ പറഞ്ഞു. 'എല്ലാവരുടേതുമാണ് ഇന്ത്യ'കാമ്പയി​െൻറ ഭാഗമായി വെൽഫെയർ പാർട്ടി കയ്പമംഗലം മണ്ഡലം കമ്മിറ്റി സംഘടിപ്പിച്ച വാഹന ജാഥയുടെ സമാപനം നിർവഹിച്ച് സംസാരിക്കുകയായിരുന്നു അദ്ദേഹം. സംഘ്പരിവാറി​െൻറ ഏകാധിപത്യത്തിനും വംശീയ ധ്രുവീകരണത്തിനും ഉന്മൂലന രാഷ്ട്രീയത്തിനും എതിരെ ഇന്ത്യയിൽ പോരാട്ടം ശക്തിപ്പെടുകയാണ്. രാജ്യത്ത് മുസ്‌ലിംകൾക്കും ദലിതുകൾക്കുമെതിരായ സംഘ്പരിവാർ അക്രമങ്ങൾക്കെതിരെ സൗഹൃദത്തി​െൻറയും സാമൂഹികനീതിയുടെയും രാഷ്ട്രീയം ഉയർന്ന് വരണമെന്നും അദ്ദേഹം അഭിപ്രായപ്പെട്ടു. മണ്ഡലം പ്രസിഡൻറ് റഫീഖ് കാതിക്കോട് അധ്യക്ഷത വഹിച്ചു. ഫ്രറ്റേണിറ്റി മൂവ്മ​െൻറ് സംസ്ഥാന സെക്രട്ടറി കെ.എസ്. നിസാർ മുഖ്യപ്രഭാഷണം നടത്തി. ടി. ശിവശങ്കരൻ, ഇ.എസ്. അബ്ദുൽകരീം, എം.എം. അനസ്, ബ്ലോക്ക് പഞ്ചായത്തംഗം സഈദ സുലൈമാൻ, എ.കെ. അലിക്കുഞ്ഞി എന്നിവർ സംസാരിച്ചു.