വീല്‍ചെയർ വിതരണം

ഇരിങ്ങാലക്കുട: ക്രൈസ്റ്റ് എൻജിനീയറിങ് കോളജിലെ മെക്കാനിക്കല്‍ എൻജിനീയറിങ് അസോസിയേഷ​െൻറ നേതൃത്വത്തില്‍ വിദ്യാർഥികള്‍ രൂപകല്‍പന ചെയ്ത് നിർമിച്ച വീല്‍ ചെയറുകള്‍ വിതരണം ചെയ്തു. 'വീല്‍ കെയര്‍' എന്ന് നാമകരണം ചെയ്ത പദ്ധതിയുടെ സംസ്ഥാനതല ഉദ്ഘാടനം വിദ്യാഭ്യാസ മന്ത്രി സി. രവീന്ദ്രനാഥ് നിര്‍വഹിച്ചു. കെ.യു. അരുണന്‍ എം.എൽ.എ അധ്യക്ഷത വഹിച്ചു. സി.എന്‍. ജയദേവന്‍ എം.പി മുഖ്യപ്രഭാഷണം നടത്തി. നഗരസഭ ചെയര്‍പേഴ്സൻ നിമ്യ ഷിജു, ദേവമാത പ്രൊവിന്‍ഷ്യാല്‍ ഫാ. വാള്‍ട്ടര്‍ തേലപ്പിള്ളി, കോളജ് എക്സി.ഡയറക്ടര്‍ ഫാ. ജോണ്‍ പാലിയേക്കര, പ്രിന്‍സിപ്പൽ സജീവ് ജോണ്‍, സ്റ്റാഫ് കോ-ഓഡിനേറ്റര്‍ സന്‍ജേഷ് മേനോന്‍, സ്റ്റുഡൻറ്സ് കോഓഡിനേറ്റര്‍ കിരണ്‍ ജോയ് എന്നിവര്‍ സംസാരിച്ചു.