കേന്ദ്ര തൊഴിൽ നയം തിരുത്തണം^ കാഞ്ഞിരമറ്റം സിറാജ്

കേന്ദ്ര തൊഴിൽ നയം തിരുത്തണം- കാഞ്ഞിരമറ്റം സിറാജ് തൃശൂർ: കേന്ദ്രസർക്കാറി​െൻറ പുതിയ തൊഴിൽനയം തിരുത്തണമെന്നും നഷ്ടപ്പെട്ട അവകാശങ്ങൾ സംരക്ഷിക്കപ്പെടണമെന്ന് പി.ഡി.പി സംസ്ഥാന ജനറൽ സെക്രട്ടറി കാഞ്ഞിരമറ്റം സിറാജ്. പി.ഡി.പിയുെട സിൽവർജൂബിലിയോട് അനുബന്ധിച്ച് പ്രോലിറ്റേറിയന്‍ ട്രേഡ് യൂനിയന്‍ കോണ്‍ഗ്രസ് (പി.ടി.യു.സി.) നടത്തിയ സംസ്ഥാന സംഗമം ഉദ്ഘാടനം ചെയ്യുകയായിരുന്നു അദ്ദേഹം. തൊഴിലാളികളുടെ തൊഴിൽ സാഹചര്യങ്ങൾ ഇല്ലാതാക്കാനാണ് സർക്കാർ ശ്രമിക്കുന്നത്. ചെറുകിട വ്യവസായ സംരംഭങ്ങൾ തുടങ്ങാൻ പ്രവാസം അവസാനിപ്പിച്ച് നാട്ടിൽ എത്തിയവർക്ക് വായ്പ നൽകാൻ ബാങ്ക് ഏർപ്പെടുത്തിയ അന്യായ നടപടികൾ സർക്കാർ ഇടപെട്ട് ഇളവ് വരുത്തണം. ഒേട്ടാ തൊഴിലാളികൾക്ക് ചെറുമെഷീൻ ഉപയോഗിക്കുന്നതിനു പോലും വനംവകുപ്പി​െൻറ എൻ.ഒ.സി വേണമെന്ന നിയമത്തിൽ ഇളവ് കൊണ്ടു വരണമെന്നും ഇ.എസ്.ഐ ഉൾപ്പെടെയുള്ള ആനുകൂല്യങ്ങൾ ലഭ്യമാക്കുന്നതിന് നിയമനിർമാണം നടത്തണമെന്നുമുള്ള പ്രമേയം സർക്കാറിനോട് ആവശ്യപ്പെട്ടു. സംസ്ഥാന പ്രസിഡൻറ് സക്കീർ പരപ്പനങ്ങാടി അധ്യക്ഷത വഹിച്ചു. ജനറൽ സെക്രട്ടറി നടയറ ജബ്ബാർ, പി.ഡി.പി സംസ്ഥാന ജനറൽ സെക്രട്ടറി സാബു കൊട്ടാരക്കര മുഖ്യപ്രഭാഷണം നടത്തി. ജനകീയ ആരോഗ്യവേദി സംസ്ഥാന കോഓഡിനേറ്റർ മുജീബ് റഹ്മാൻ, പീപ്പിൾസ് കൾച്ചറൽ ഫോറം ഉന്നതാധികാര സമിതിയംഗം സമദ് കാഞ്ഞിര, പി.ടി.യു.സി സംസ്ഥാന വൈസ് പ്രസിഡൻറുമാരായ ശശികുമാർ കൊല്ലം, ഖാദർ ഹരിപ്പാട്, സംസ്ഥാന സെക്രട്ടറിമാരായ റഹ്മാൻ ഗുരുക്കൾ, ഫൈസൽ മാടവന, ജില്ല പ്രസിഡൻറ് ജോൺസൻ ആലപ്പാട്ട്, സെക്രട്ടറി പി.എസ്. ഉമ്മർ എന്നിവർ സംസാരിച്ചു.