വിഷു വിപണി

എരുമപ്പെട്ടി: കടങ്ങോട് പഞ്ചായത്ത് കൃഷിഭവ​െൻറ നേതൃത്വത്തിൽ പഞ്ചായത്ത് ജൈവ പച്ചക്കറി വിപണന കേന്ദ്രത്തിൽ തുടങ്ങി. പഞ്ചായത്ത് പ്രസിഡൻറ് രമണി രാജൻ ഉദ്ഘാടനം ചെയ്തു. പഞ്ചായത്ത് വികസന സ്റ്റാൻഡിങ് കമ്മിറ്റി ചെയർമാൻ കെ.എം.നൗഷാദ് അധ്യക്ഷത വഹിച്ചു. വൈസ് പ്രസിഡൻറ് സുഗിജ സുമേഷ് ആദ്യ വിൽപന നടത്തി. ബ്ലോക്ക് പഞ്ചായത്ത് അംഗം എ.എം.മുഹമ്മദ് കുട്ടി, പഞ്ചായത്ത് അംഗങ്ങളായ ജലീൽ ആദൂർ, സൗമ്യ സുരേഷ്, കാഞ്ചന മോഹനൻ, കൃഷി ഓഫിസർ ബിന്ദു തുടങ്ങിയവർ സംസാരിച്ചു. അംഗൻവാടി കെട്ടിടോദ്ഘാടനം വരവൂർ: പഞ്ചായത്ത് രണ്ടാം വാർഡിലെ പാറപ്പുറം 47-ാം നമ്പർ അംഗൻവാടി കെട്ടിടം കൃഷിമന്ത്രി വി.എസ്.സുനിൽകുമാർ ഉദ്ഘാടനം ചെയ്തു. യു.ആർ.പ്രദീപ് എം.എൽ.എ അധ്യക്ഷത വഹിച്ചു. സ്ഥലം സൗജന്യമായി നൽകിയ പാറപ്പുറം മണിമുക്ക് കളത്തിങ്കൽ കോയുണ്ണിയെ ആദരിച്ചു. വടക്കാഞ്ചേരി ബ്ലോക്ക് പഞ്ചായത്ത് പ്രസിഡൻറ് എസ്.ബസന്ത് ലാൽ, പഞ്ചായത്ത് പ്രസിഡൻറ് കെ.കെ.ബാബു, ബ്ലോക്ക് പഞ്ചായത്ത് വൈസ് പ്രസിഡൻറ് പി.പി.സുനിത, പഞ്ചായത്ത് വൈസ് പ്രസിഡൻറ് സി.വിജയലക്ഷ്മി, പ്രീതി ഷാജു, എം.എ. മോഹനൻ, സി. ഗോപകുമാർ, കെ.എം. ഹനീഫ, ശാലിനി വിനോദ്, വാർഡംഗം എൻ.യു. സിന്ധു, സി.യു. അബൂബക്കർ എന്നിവർ പ്രസംഗിച്ചു. പടം : വരവൂർ പഞ്ചായത്തിലെ പാറപ്പുറം 47-ാം നമ്പർ അംഗൻവാടിയുടെ ഉദ്ഘാടനം കൃഷി മന്ത്രി വി.എസ്.സുനിൽകുമാർ നിർവഹിക്കുന്നു.