പാവറട്ടി തിരുനാൾ: വെടിക്കെട്ടി​െൻറ കാര്യത്തിൽ തീരുമാനമായില്ല

തൃശൂർ: പാവറട്ടി തീർഥകേന്ദ്രം തിരുനാളിനോടനുബന്ധിച്ച് വെടിക്കെട്ടി​െൻറ കാര്യത്തിൽ തീരുമാനമായില്ല. വെടിക്കെട്ടിന് അപേക്ഷ നൽകി കാത്തിരിക്കുകയാണെന്ന് തീർഥകേന്ദ്രം റെക്ടർ ഫാ. ജോസഫ് പൂവത്തൂക്കാരൻ, മാനേജിങ് ട്രസ്റ്റി ഒ.ജെ. ആൻറണി എന്നിവർ അറിയിച്ചു. ഇൗ മാസം 20, 21, 22 തീയതികളിലാണ് തിരുനാൾ. ഇതോടനുബന്ധിച്ച് എട്ട് നിർധനർക്ക് വീടുവെച്ച് കൊടുക്കുന്നതുൾപ്പെടെ രണ്ടുകോടിയുടെ കാരുണ്യ പ്രവർത്തനം നടത്തും. 20ന് രാത്രി 7.30ന് ദീപാലങ്കാരത്തിന് സ്വിച്ച് ഒാൺ ചെയ്യും. 21ന് ഉൗട്ട് നേർച്ചയുണ്ടാകും. അന്ന് വൈകീട്ട് 5.30ന് ഇരിങ്ങാലക്കുട ബിഷപ് പോളി കണ്ണൂക്കാടൻ സമൂഹബലിക്ക് നേതൃത്വം നൽകും. 23 മുതൽ 28 വരെ വൈകീട്ട് കലാസന്ധ്യയുണ്ടാകും. ഒ.ജെ. ജസ്റ്റിൻ, വി.കെ. ജോസഫ്, എം.എ. തോമസ് എന്നിവരും വാർത്തസമ്മേളനത്തിൽ പെങ്കടുത്തു.