'കരൂപ്പടന്ന പുഴ സംരക്ഷിച്ച് ടൂറിസം വികസനം നടപ്പാക്കണം'

' കരൂപ്പടന്ന: കൈയേറ്റവും മാലിന്യതള്ളലും മൂലം നശിച്ചു കൊണ്ടിരിക്കുന്ന കരൂപ്പടന്ന പുഴയെ സംരക്ഷിച്ച് മുസ്്രിസ് പൈതൃക പദ്ധതിയുടെ ഭാഗമായി ടൂറിസം വികസനം നടപ്പാക്കണമെന്ന് വെള്ളാങ്ങല്ലൂർ ഗ്രാമപഞ്ചായത്ത് വൈസ് പ്രസിഡൻറ് ഉണ്ണികൃഷ്ണൻ കുറ്റിപ്പറമ്പിൽ ആവശ്യപ്പെട്ടു. വി.ആർ. സുനിൽകുമാർ എം.എൽ.എയുടെ നേതൃത്വത്തിൽ കൊടുങ്ങല്ലൂർ മുസ്്രിസ് ഇൻറർനാഷനൽ കൺവെൻഷൻ സ​െൻററിൽ നടത്തിയ ഏകദിന ശിൽപശാലയിലാണ് അദ്ദേഹം ഈ ആവശ്യം ഉന്നയിച്ചത്. കനോലി കനാലി​െൻറ ഭാഗമായ കരൂപ്പടന്ന പുഴയിലെ ൈകയേറ്റവും മാലിന്യവും ഒഴിവാക്കി പുഴയുടെ ആഴവും വീതിയും കൂട്ടി ബോട്ടിങ് ഉൾപ്പെടെയുള്ള ടൂറിസം പദ്ധതികൾ നടപ്പാക്കണം. ചീപ്പ് ചിറയിൽ സൗന്ദര്യവത്കരിച്ച് സന്ദർശകർക്ക് സൗകര്യം ഒരുക്കണമെന്നും അദ്ദേഹം ആവശ്യപ്പെട്ടു.