നിർത്തിയിട്ട ബസില്‍ ബൈക്കിടിച്ച് ആശുപത്രി ജീവനക്കാരന് പരിക്ക്

മാള: തിരുനാളില്‍ പങ്കെടുത്ത് മടങ്ങവേ നിർത്തിയിട്ട ബസില്‍ ബൈക്കിടിച്ച് മാള സർക്കാർ ആശുപത്രിയിലെ ജീവനക്കാരനായ യാത്രികന് പരിക്ക്. കോട്ടമുറി കൊടിയൻ ലോനപ്പ‍​െൻറ മകൻ ജോയിക്കാണ്(46) പരിക്കേറ്റത്. ഞായറാഴ്ച രാവിലെ പത്തിനാണ് സംഭവം. കോട്ടക്കൽ സ​െൻറ് തെരേസാസ് പള്ളിയിൽ തിരുനാളിൽ പങ്കെടുത്ത് മടങ്ങുകയായിരുന്ന ജോയി. പള്ളി സ്റ്റോപ്പിൽ നിർത്തിയിട്ടിരുന്ന സ്വകാര്യ ബസിൽ ബൈക്ക് ഇടിക്കുകയായിരുന്നു. തലയ്ക്കും വലതു കൈക്കും ഗുരുതരമായി പരിക്കേറ്റിട്ടുണ്ട്. അങ്കമാലിയിലെ സ്വകാര്യ ആശുപത്രിയിൽ പ്രവേശിപ്പിച്ചു.