ക്ഷയരോഗ വിമുക്ത ജില്ല: പ്രവര്‍ത്തനങ്ങൾ തുടങ്ങി

തൃശൂര്‍: ക്ഷയരോഗ വിമുക്ത ജില്ല ലക്ഷ്യത്തിൽ 'കേരള ടി.ബി.എലിമിനേഷന്‍ മിഷന്‍ 2020' പ്രവര്‍ത്തന മാർഗരേഖ തയാറാക്കുന്നതി​െൻറ ഭാഗമായി നടന്ന ശിൽപശാല ജില്ല പഞ്ചായത്ത് പ്രസിഡൻറ് ഷീല വിജയകുമാര്‍ ഉദ്ഘാടനം ചെയ്തു. വളര്‍ത്തുമൃഗങ്ങളിലെ രോഗബാധ കണ്ടെത്തി ചികിത്സിച്ചാല്‍ മാത്രമെ പൂർണമായും ക്ഷയരോഗ വിമുക്തമാക്കാനാവൂ. വളര്‍ത്തുമൃഗങ്ങളില്‍നിന്ന് മനുഷ്യരിലേക്കും തിരിച്ചും രോഗം പടരുന്നത് തടയുന്നതിന് മൃഗസംരക്ഷണവകുപ്പി​െൻറ സഹകരണം ആവശ്യമായി വരുമെന്നും ശിൽപശാലയിൽ ആവശ്യമുയർന്നു. 25ന് ചേരുന്ന ആസൂത്രണസമിതി യോഗത്തില്‍ ക്ഷയരോഗ നിർമാർജന പ്രവര്‍ത്തനം ചര്‍ച്ച ചെയ്യാന്‍ സമയം അനുവദിക്കുമെന്ന് പ്രസിഡൻറ് അറിയിച്ചു. മേയര്‍ അജിത ജയരാജന്‍ അധ്യക്ഷത വഹിച്ചു.