തീ പടർത്തിയ ചിന്തകളുടെ ഒാർമയിൽ എം.എൻ. വിജയൻ സ്​മരണ

കൊടുങ്ങല്ലൂർ: തീ പടർത്തിയ ചിന്തകളുടെയും ഒാർമകളുടെയും വേലിയേറ്റത്തിൽ എം.എൻ. വിജയൻ സ്മരണ. പ്രവാചകനെന്നപോലെ വിജയൻമാഷ് നൽകിയ മുന്നറിയിപ്പുകൾ ശരിയായി ഭവിക്കുന്നതി​െൻറ വിഹ്വലതകളും ആശങ്കകളും പങ്കുവെച്ച സമ്മേളനം വൈകാരിവുമായിരുന്നു. വേർപാടി​െൻറ പത്താം വർഷത്തിൽ എം.എൻ. വിജയൻ പഠനകേന്ദ്രമാണ് 'അസാന്നിധ്യത്തി​െൻറ പത്ത് വർഷങ്ങൾ' എന്ന പേരിൽ അനുസ്മരണം സംഘടിപ്പിച്ചത്. ഇന്ത്യയിൽ പ്രചരിപ്പിച്ചുകൊണ്ടിരിക്കുന്ന ദേശീയത യഥാർഥത്തിൽ ദേശ-രാഷ്ട്ര സങ്കൽപ്പത്തിന് വിരുദ്ധമാണെന്ന് 'ഗൗരിലേങ്കഷി​െൻറ കാലത്തെ ഇന്ത്യ' എന്ന വിഷയത്തിൽ പ്രഭാഷണം നടത്തിയ സുനിൽ പി. ഇളയിടം അഭിപ്രായപ്പെട്ടു. ദേശീയതയെ പുതിയ പരിപ്രേക്ഷ്യം നൽകി ഹിംസാത്മക തലത്തിലേക്ക് വളർത്തിക്കൊണ്ടുവരികയാണ് സംഘ്പരിവാർ. രാജ്യത്തി​െൻറ ബഹുസ്വരതയെ ഏകമാന സങ്കൽപ്പങ്ങൾെകാണ്ട് ഇല്ലാതാക്കാനാണ് ശ്രമം. ഗോധ്ര കലാപം ഇന്ദ്രപ്രസ്ഥത്തിലേക്കുള്ള ചവിട്ട് പടിയാക്കുകയായിരുന്നു മോദിയെന്നും പശുക്കളുടെ പേരിൽ ആളുകൾ കൊല്ലപ്പെടുന്നത് അതി​െൻറ തുടർച്ചയാെണന്നും അദ്ദേഹം പറഞ്ഞു. 'എം.എൻ. വിജയ​െൻറ സാമൂഹിക വിമർശനം' എന്ന വിഷയം േഡാ. ആസാദും 'എം.എൻ. വിജയ​െൻറ സാഹിത്യനിരൂപണം' ആലേങ്കാട് ലീലാകൃഷ്ണനും അവതരിപ്പിച്ചു. ഇസാബിൻ അബ്ദുൽകരീം അധ്യക്ഷത വഹിച്ചു. യു.ടി. േപ്രംനാഥ് സ്വാഗതം പറഞ്ഞു. എം.എസ്. ബനേഷി​െൻറ കവിതാസമാഹാരം 'നല്ലയിനം പുലയ അച്ചാറുകൾ' നടൻ ഇർഷാദ് പ്രകാശനം ചെയ്തു. ഡോ. ജി. ഉഷാകുമാരി ഏറ്റുവാങ്ങി. പൊതുസമ്മേളനത്തിൽ ജോജി അധ്യക്ഷത വഹിച്ചു. 'ഫാഷിസത്തി​െൻറ വഴികൾ' എന്ന വിഷയത്തിൽ കെ.എം. സീതി അനുസ്മരണ പ്രഭാഷണം നടത്തി. ടി.എ. ഇക്ബാൽ സ്വാഗതവും പി.കെ. നൂറുദ്ദീൻ നന്ദിയും പറഞ്ഞു.