സി.പി.എം നേതാവി​െൻറ കാറിന് നേരെ ആക്രമണം

കുന്നംകുളം: സി.പി.എം ലോക്കൽ സെക്രട്ടറി കുന്നംകുളം ഈസ്റ്റ് ലോക്കൽ സെക്രട്ടറി സി.ടി. ബാബുവി​െൻറ കാറിന് നേരെ ആക്രമം. ലോക്കൽ സമ്മേളന ശേഷം അടുപ്പൂട്ടിയിൽ നടന്ന പ്രകടനത്തിനും പൊതുസമ്മേളനത്തിനും പങ്കെടുക്കാൻ കാർ റോഡരികിൽ നിർത്തിയിട്ട് പോയപ്പോഴാണ് ആക്രമം ഉണ്ടായത്. പെയൻറ് ഇളക്കുകയും ബോഡിയിൽ ആണി ഉപയോഗിച്ച് വരക്കുകയും ചെയ്തിട്ടുണ്ട്. കോറി വരച്ചതിൽ 'ഓം' എന്ന് എഴുതിയിട്ടുണ്ട്. പ്രദേശത്ത് സംഘ്പരിവാർ സംഘടനകളിലെ നിരവധിയാളുകൾ സി.പി.എമ്മിലേക്ക് വന്നതി​െൻറ വിരോധം കാരണം ബോധപൂർവം പ്രശ്നമുണ്ടാക്കാൻ ശ്രമിക്കുകയാണെന്ന് സി.പി.എം നേതാക്കൾ ആരോപിച്ചു. പൊലീസിന് കേസെടുത്ത് അന്വേഷണം ആരംഭിച്ചു.