Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightLocal Newschevron_rightThrissurchevron_rightസർക്കാർ കെട്ടിടം...

സർക്കാർ കെട്ടിടം കലക്ടർ പ്രസിഡൻറായ ഉദ്യോഗസ്ഥ ക്ലബി​െൻറ താവളം

text_fields
bookmark_border
തൃശൂർ: സർക്കാർ കെട്ടിടത്തിൽ കലക്ടർ പ്രസിഡൻറായ 'ഉദ്യോഗസ്ഥ ക്ലബി'​െൻറ പ്രവർത്തനം. അയ്യന്തോളിൽ കലക്ടറേറ്റിന് സമീപം വനിത ഇൻഡോർ സ്റ്റേഡിയത്തിനോട് ചേർന്നുള്ള ജില്ല ഓഫിസേഴ്സ് ക്ലബാണ് അനുമതിയില്ലാതെയും സർക്കാറിന് നൽകേണ്ട വാടക, വെള്ളം നിരക്കുകൾ അടക്കാതെയും പ്രവർത്തിക്കുന്നതെന്ന് പരാതി ഉയർന്നിരിക്കുന്നത്. കലക്ടർ പ്രസിഡൻറും ഗസറ്റഡ് ഓഫിസർമാർ എക്സി.കമ്മിറ്റി അംഗങ്ങളുമാണ്. ക്ലബി​െൻറ പ്രവർത്തനങ്ങളെക്കുറിച്ചോ രജിസ്ട്രേഷനെക്കുറിച്ചോ സർക്കാറിന് അറിയില്ല. ജീവനക്കാർക്ക് സർക്കാർ അനുവദിക്കുന്ന 'ഡി' ടൈപ്പ് ക്വാർട്ടേഴ്സ് കെട്ടിടമാണ് ക്ലബായി പ്രവർത്തിക്കുന്നത്. ഇത് വാടകക്കും നൽകുന്നുണ്ട്. ഇതുമായി ബന്ധപ്പെട്ട ഒരു ഫയലും സർക്കാറി​െൻറ കൈവശമില്ലെന്നാണ് കലക്ടറേറ്റിൽ നിന്നുള്ള മറുപടി. സർവിസിലുള്ള ഉദ്യോഗസ്ഥർ മാത്രമെ അംഗങ്ങളാകാവൂ എന്നിരിക്കെ വർഷങ്ങൾക്ക് മുമ്പ് വിരമിച്ചവരും എക്സിക്യൂട്ടിവ് കമ്മിറ്റിയിലുണ്ട്. പൊതുജനങ്ങൾക്കും ഓഫിസർമാർക്കും കായിക പരിശീലനത്തിനും കലാ-സാംസ്കാരിക കൂടിച്ചേരലുകൾക്കുമാണ് കെട്ടിടമെന്നാണ് അറിയുന്നതെന്ന് റവന്യൂ വകുപ്പ് വിശദീകരിക്കുന്നു. എന്നാൽ, പൊതുജനങ്ങൾക്ക് പ്രവേശനം പൂർണമായും നിരോധിച്ചാണ് ക്ലബി​െൻറ പ്രവർത്തനം. പരിസരത്തേക്ക് സർക്കാർ ജീവനക്കാർക്ക് പോലും നിയന്ത്രണമുണ്ട്. ഇവിടെ വിവിധ നിർമാണ പ്രവൃത്തികൾ ടെൻഡർ ഇല്ലാതെ നടത്തിയെന്നും ആക്ഷേപമുണ്ട്.
Show Full Article
TAGS:LOCAL NEWS 
Next Story