ബി.എസ്​.എൻ.എൽ ​മൊബൈൽ ഫോൺ ഭാരത്​^1; ജിയോയെ വെല്ലുന്ന കോൾ^ഡാറ്റ പാക്കേജ്​

ബി.എസ്.എൻ.എൽ മൊബൈൽ ഫോൺ ഭാരത്-1; ജിയോയെ വെല്ലുന്ന കോൾ-ഡാറ്റ പാക്കേജ് തൃശൂർ: കേന്ദ്ര സർക്കാറി​െൻറയും ടെലികോം മന്ത്രാലയത്തി​െൻറയും പരിലാളന മുഴുവൻ റിലയൻസ് ജിയോ ഉൾപ്പെടെയുള്ള സ്വകാര്യ മൊബൈൽ സേവന ദാതാക്കൾക്കായിട്ടും പൊതുമേഖല സ്ഥാപനമായ ബി.എസ്.എൻ.എൽ മത്സരത്തിൽനിന്ന് പിറകോട്ടില്ല. ബി.എസ്.എൻ.എല്ലി​െൻറ മൊബൈൽ ഫോൺ ഹാൻഡ്സെറ്റ് 'ഭാരത്-1' എന്ന പേരിൽ ഉടൻ പുറത്തിറങ്ങും. അതോടൊപ്പം, ആകർഷകമായ നിരക്കിൽ കോൾ-ഡാറ്റ പാക്കേജും ഉപഭോക്താക്കൾക്ക് നൽകി ജിയോക്ക് കനത്ത വെല്ലുവിളി ഉയർത്തുകയാണ് ലക്ഷ്യം. 1,500 രൂപക്ക് മൊബൈൽ ഹാൻഡ്സെറ്റ് പുറത്തിറക്കുന്ന ജിയോയെ നേരിടാൻ ബി.എസ്.എൻ.എല്ലും ഫോൺ ഇറക്കുന്നത് 'മാധ്യമം' റിപ്പോർട്ട് ചെയ്തിരുന്നു. മൈക്രോമാക്സുമായി ചേർന്നാവും 'ഭാരത്-1' പദ്ധതി അവതരിപ്പിക്കുക. 2,200 രൂപക്ക് ഹാൻഡ്സെറ്റ് നൽകാനാണ് തീരുമാനം. ഇതോടൊപ്പം പ്രതിമാസം 97 രൂപക്ക് സമയ പരിധിയില്ലാതെ കോളും ഡാറ്റയും നൽകുന്ന പദ്ധതിയുമുണ്ട്. ജിയോ 150 രൂപക്കാണ് ഇൗ പാക്കേജ് നൽകുന്നത്. ബി.എസ്.എൻ.എൽ ഫോർ-ജി ആദ്യമായി അവതരിപ്പിക്കുന്നത് കേരളത്തിലും ഒഡിഷയിലുമാകും. രണ്ടു മാസത്തിനകം ഫോർ-ജി വരും. ബി.എസ്.എൻ.എല്ലിനോട് ഏറ്റവും അനുകൂലമായി പ്രതികരിക്കുന്ന സർക്കിൾ എന്ന നിലക്കാണ് കേരളത്തെ തിരഞ്ഞെടുത്തത്. ഫോർ-ജിക്ക് വേണ്ടി 2100 മെഗാ ഹെർട്സി​െൻറ പുതിയ സ്പെക്ട്രം ഒരുക്കിയിട്ടുണ്ട്. റിലയൻസ് ജിയോ മത്സരം കൊഴുപ്പിച്ചതോടെ പല മൊബൈൽ സേവന ദാതാക്കളും പിടിച്ചു നിൽക്കാൻ പാടുപെടുകയാണെങ്കിലും ബി.എസ്.എൻ.എല്ലിന് നേട്ടമാണ്. കഴിഞ്ഞ മാർച്ചിൽ മൊബൈൽ രംഗത്ത് ബി.എസ്.എൻ.എല്ലി​െൻറ പങ്കാളിത്തം 8.6 ശതമാനം ആയിരുന്നത് ജൂലൈയിൽ 8.84 ശതമാനമായി. അതേസമയം, ബി.എസ്.എൻ.എല്ലിന് പിന്തുണ നൽകുന്നതിൽ കേന്ദ്ര സർക്കാറി​െൻറ പിശുക്ക് കൂടുകയാണ്. പുതിയ ഉപകരണങ്ങൾ വാങ്ങാൻ ലളിതമായ വ്യവസ്ഥയിൽ വായ്പ അനുവദിക്കണമെന്നും സൗജന്യമായി ഫോർ-ജി സ്പെക്ട്രം അനുവദിക്കണമെന്നുമുള്ള ആവശ്യം േകന്ദ്രം തള്ളി. അതേസമയം, ബി.എസ്.എൻ.എല്ലി​െൻറ ഉടമസ്ഥതയിലുള്ള 66,000 മൊബൈൽ ടവറുകളുടെ പരിപാലനത്തിന് ഉപ കമ്പനി രൂപവത്കരിക്കാൻ തീരുമാനിച്ചിരിക്കുകയാണ്. ഇൗ കമ്പനി ക്രമേണ സ്വകാര്യ മൊബൈൽ ഒാപറേറ്റർമാരുെട ഇംഗിതത്തിന് വഴങ്ങുന്ന സ്ഥാപനമായി മാറുമെന്നും അതോടെ ബി.എസ്.എൻ.എല്ലി​െൻറ നിലനിൽപ് അപകടത്തിലാവുമെന്നുമുള്ള ആശങ്ക ശക്തമാണ്.