സെമിനാർ നാലിന്

കൊടുങ്ങല്ലൂർ: താലൂക്ക് കാർഷിക വികസന ബാങ്ക് നാലിന് ഏകദിന സെമിനാർ നടത്തും. 'ജൈവ കൃഷിക്ക് മഴവെള്ളം ശേഖരിച്ച് കടുത്ത വേനലിലും ജലക്ഷാമം എങ്ങനെ നേരിടണം' എന്നവിഷയത്തിൽ രാവിലെ 10ന് കൊടുങ്ങല്ലൂർ പണിക്കേഴ്സ് ഹാളിൽ നടക്കുന്ന സെമിനാർ മന്ത്രി വി.എസ്. സുനിൽകുമാർ ഉദ്ഘാടനം ചെയ്യും. വി.ആർ. സുനിൽകുമാർ എം.എൽ.എ കർഷകരെ ആദരിക്കും. പ്രസിഡൻറ് ടി.എം. നാസർ വൈസ് പ്രസിഡൻറ് ആർ.ബി. മുഹമ്മദാലി ഡയറക്ടർമാരായ പി.കെ. ഷംസുദ്ദീൻ, എ.പി. രാധാകൃഷ്ണൻ സെക്രട്ടറി കെ.കെ. ഷൗക്കത്തലി എന്നിവർ പരിപാടി വിശദീകരിച്ചു.