ബെഫി പ്രതിഷേധ പ്രകടനം

തൃശൂര്‍: ബാങ്ക് സ്വകാര്യവത്കരണ, ലയന നീക്കങ്ങൾ ഉപേക്ഷിക്കുക, ബാങ്ക് ശാഖകൾ പൂട്ടാനുള്ള നീക്കം ഉപേക്ഷിക്കുക, കിട്ടാക്കടങ്ങൾ തിരിച്ചുപിടിക്കുക എന്നീ ആവശ്യങ്ങളുന്നയിച്ച് ബെഫി ജില്ല കമ്മിറ്റിയുടെ നേതൃത്വത്തിൽ എസ്.ബി.ഐ മെയിൻ ശാഖക്ക് മുന്നിൽ പ്രതിഷേധ പ്രകടനം നടത്തി. അഖിലേന്ത്യാ ജോ. സെക്രട്ടറി എൻ. സുരേഷ് ഉദ്ഘാടനം ചെയ്തു. സംസ്ഥാന പ്രസിഡൻറ് ടി. നരേന്ദ്രൻ, ജില്ല സെക്രട്ടറി എം. പ്രഭാകരൻ, ആർ. മോഹനൻ, സി.എ. മോഹനൻ, വി.കെ. ജയരാജൻ, ബാബു മാളിയേക്കൽ, ജയശ്രീ, പി.എച്ച്.വിനീത, പി.കെ. വിപിൻ ബാബു തുടങ്ങിയവർ സംസാരിച്ചു.