വെള്ളിക്കുളങ്ങരയെ ദുഃഖത്തിലാഴ്ത്തി ദുരന്തവാര്‍ത്ത

വെള്ളിക്കുളങ്ങര: സൗദിയിലുണ്ടായ വാഹനാപകടത്തില്‍ വെള്ളിക്കുളങ്ങരയിലെ ഒരു കുടുംബത്തിലുള്ള മൂന്നുപേര്‍ മരിച്ച വാര്‍ത്ത ചെറിയ പെരുന്നാള്‍ ആഘോഷത്തിനൊരുങ്ങിയ നാടിനെ ദുഃഖത്തിലാഴ്ത്തി. വെള്ളിക്കുളങ്ങര മാവിന്‍ചുവട് കറപ്പംവീട്ടില്‍ അഷ്‌റഫും(52) ഭാര്യ റസിയയും (40) മകള്‍ അഫ്‌സാനയുമാണ്(17) അപകടത്തില്‍ മരിച്ചതായി നാട്ടിലുള്ളവര്‍ക്ക് കിട്ടിയ വിവരം. ഗള്‍ഫില്‍ ജോലിചെയ്യുന്ന അഷ്‌റഫിനടുത്തേക്ക് കഴിഞ്ഞ ആഴ്ചയിലാണ് ഭാര്യയും മൂന്നുമക്കളും പോയത്. ഉംറ നിര്‍വഹിക്കാന്‍ കുടുംബസമേതം ഇവര്‍ മക്കയിലേക്ക് പോകുമ്പോഴാണ് അപകടമുണ്ടായത്.