പകർച്ചപ്പനി; ജനകീയസമിതി യോഗം ചേർന്നു

പഴയന്നൂര്‍: പകര്‍ച്ചപ്പനി പടരുന്ന സാഹചര്യത്തിൽ ബ്ലോക്ക്‌തല ജനകീയ സമിതിയോഗം യു.ആര്‍. പ്രദീപ് എം.എല്‍.എയുടെ അധ്യക്ഷതയില്‍ ചേര്‍ന്നു. ബ്ലോക്ക്‌ പഞ്ചായത്ത്‌ പ്രസിഡൻറ് വി. തങ്കമ്മ, വൈസ് പ്രസിഡൻറ് എം. പദ്മകുമാര്‍, വള്ളത്തോള്‍ പഞ്ചായത്ത് പ്രസിഡൻറ് പി. പദ്മജ, ഡെപ്യൂട്ടി ജില്ല മെഡിക്കല്‍ ഓഫിസിര്‍, രാഷ്ട്രീയ പാര്‍ട്ടി പ്രതിനിധികള്‍, യുവജന സംഘടന പ്രതിനിധികള്‍, സന്നദ്ധ പ്രവര്‍ത്തകര്‍, വ്യാപാര സംഘടന പ്രതിനിധികള്‍, ആരോഗ്യ പ്രവര്‍ത്തകര്‍, ഉദ്യോഗസ്ഥ പ്രമുഖര്‍ എന്നിവര്‍ പങ്കെടുത്തു. 27, 28, 29, തീയതികളില്‍ മാലിന്യ നിര്‍മാർജന പരിപാടിയും ശുചിത്വ പ്രവര്‍ത്തനങ്ങള്‍ നടത്താനും തീരുമാനിച്ചു. സ്കൂള്‍ അസംബ്ലികളില്‍ ബോധവത്കരണം നടത്താനും തീരുമാനമായി.