കടവി രഞ്ജിത്തിന്​ കഞ്ചാവ്​ കൈമാറാൻ ശ്രമം​; പ്രതികൾ പിടിയിൽ

തൃശൂര്‍: ജയിലില്‍നിന്ന് കോടതിയില്‍ കൊണ്ടുവന്ന ഗുണ്ടത്തലവൻ കടവി രഞ്ജിത്തിന് കഞ്ചാവും ലഹരിഗുളികകളും കൈമാറാൻ എത്തിയവരെ ഷാഡോ പൊലീസ് പിടികൂടി. നെല്ലങ്കര സ്വദേശി പേരകത്ത് പ്രവീണ്‍കുമാര്‍ (20), കിഴക്കുംപാട്ടുകര പയ്യപ്പാട് ഗോകുല്‍ (20) എന്നിവരാണ് പിടിയിലായത്. കടവി രഞ്ജിത്തിനെയും കൂട്ടാളി ജിയോയെയും കോടതിയില്‍ കൊണ്ടുവന്ന സമയത്താണ് ഇവർ കഞ്ചാവും ഗുളികകളുമായി എത്തിയത്. ഷാഡോ പൊലീസ് നിരീക്ഷിക്കുന്നത് മനസ്സിലാക്കി ബൈക്കില്‍ രക്ഷപ്പെട്ട പ്രതികളെ ദിവാന്‍ജിമൂല പരിസരത്തുനിന്നാണ് പിടികൂടിയത്. ഇവരില്‍നിന്ന് 20 ലഹരിഗുളിക കണ്ടെടുത്തു. ഈസ്റ്റ് എസ്.ഐ സിദ്ദീഖ് അബ്ദുൽ ഖാദറി​െൻറ നേതൃത്വത്തിലാണ് പ്രതികളെ പിടികൂടിയത്.