മത്സര ഒാട്ടവും കൂട്ടി ഉരസലും; സ്വകാര്യബസ്​ ജീവനക്കാർ അറസ്​റ്റിൽ

കുന്നംകുളം: മത്സരിച്ചോടിയ സ്വകാര്യബസുകൾ തമ്മിൽ ഉരസിയ സംഭവത്തിൽ രണ്ടുജീവനക്കാരെ അറസ്റ്റ് ചെയ്തു. കിഴൂർ വലിയപുരക്കൽ വിജേഷ് (42), പഴഞ്ഞി ജറൂസലേം മുതിരംപറമ്പത്ത് ജോണി (49) എന്നിവരെയാണ് എസ്.െഎ യു.കെ. ഷാജഹാൻ അറസ്റ്റ് ചെയ്തത്. കുന്നംകുളം-തൃശൂർ റൂട്ടിലോടുന്ന തിരുവോണം, എം.എൻ.ആർ എന്നീ ബസുകളിലെ ഡ്രൈവർമാരാണ് ഇവർ. തൃശൂരിൽനിന്ന് കുന്നംകുളത്തേക്ക് വരുന്നതിനിടെ ചൂണ്ടലിൽനിന്നാണ് മത്സര ഒാട്ടം ആരംഭിച്ചത്. ഇതിനിെട കാണിപ്പയ്യൂരിൽ ബസുകൾ കൂട്ടി ഉരസി. ഇതോടെ ക്ഷുഭിതരായ യാത്രക്കാർ ജീവനക്കാരെ പൊലീസിൽ ഏൽപിക്കുകയായിരുന്നു.