യുവതിയെ കിണറ്റില്‍ തള്ളിയിട്ടെന്ന് പരാതി

കൊടകര: യുവതിയെ ആക്രമിച്ച് പരിക്കേല്‍പിച്ച ശേഷം കിണറ്റില്‍ തള്ളിയിട്ടതായി പരാതി. വല്ലപ്പാടി അഴകത്ത് കൂടാരത്തില്‍ ഓമനയെയാണ് (37) വീടിന് സമീപത്തുള്ള കിണറ്റില്‍ കഴിഞ്ഞ രാത്രി കണ്ടെത്തിയത്. സമീപവാസികള്‍ ചേര്‍ന്ന് ഇവരെ പുറത്തെടുത്ത് തൃശൂര്‍ മെഡിക്കല്‍ കോളജാശുപത്രിയില്‍ പ്രവേശിപ്പിച്ചു. ഇവരുടെ നെറ്റിയില്‍ പരിക്കുണ്ട്. അയല്‍വാസിയായ ഇവരെ ആക്രമിച്ചതാണെന്ന് മകന്‍ പൊലീസിനു മൊഴി നല്‍കി. കൊടകര പൊലീസ് കേസെടുത്തു.