ചേരമാൻ മസ്ജിദിലെ നോമ്പ് തുറക്ക് മന്ത്രിയും ജനപ്രതിനിധികളും

മേത്തല: കൊടുങ്ങലൂർ ചേരമാൻ ജുമാ മസ്ജിദിൽ ഇന്നലത്തെ നോമ്പ് തുറയിൽ മന്ത്രിയുൾപ്പെടെ ജനപ്രതിനിധികളെത്തി. മന്ത്രി വി.എസ്. സുനിൽ കുമാർ, എം.എൽ.എമാരായ വി.ആർ. സുനിൽ കുമാർ, ഇ.ടി.ടൈസൻ, നഗരസഭ അധ്യക്ഷൻ സി.സി. വിപിൻ ചന്ദ്രൻ തുടങ്ങിയവരാണ് എത്തിയത്. മന്ത്രിയായ ശേഷം ആദ്യമായാണ് വി.എസ്. സുനിൽകുമാർ ചേരമാൻ പള്ളിയിലെത്തുന്നത്. ചേരമാൻ മഹല്ല് പ്രസിഡൻറ് ഡോ. പി.എ. മുഹമ്മദ് സഈദ് സെക്രട്ടറി എസ്.എ അബ്ദുൽ ഖയ്യൂം, ട്രഷറർ എ.കെ.കെ.നയന, അഡ്മിൻ ഇ.ബി.ഫൈസൽ , ഇമാം സൈഫുദ്ദീൻ അൽഖാസിമി എന്നിവർ ജനപ്രതിനിധികളെ സ്വീകരിച്ചു.