നിർമാണ തൊഴിലാളി യൂനിയൻ ക്ഷേമനിധി ഓഫിസ് മാർച്ച്

തൃശൂർ: കെട്ടിട നിർമാണ തൊഴിലാളി യൂനിയൻ എ.ഐ.ടി.യു.സി നിർമാണ ക്ഷേമനിധി ഓഫിസ് മാർച്ച് സി.പി.ഐ ജില്ല സെക്രട്ടറി കെ.കെ.വത്സരാജ് ഉദ്ഘാടനം ചെയ്തു. സെസ് കുടിശ്ശിക മുഴുവൻ പിരിച്ചെടുക്കുക, പി.എസ്.സി വഴി നിയമനങ്ങൾ നടത്തുക, പെൻഷൻ 3000 രൂപയായി ഉയർത്തുക, ഭവന നിർമാണ പദ്ധതി നടപ്പാക്കുക, ബോണസ് ലഭിക്കുന്നതിന് നിയമനിർമാണം നടത്തുക, ആനുകൂല്യ വിതരണ കാലതാമസം ഒഴിവാക്കുക തുടങ്ങിയ ആവശ്യങ്ങളുന്നയിച്ചായിരുന്നു സമരം. യൂനിയൻ ജില്ല പ്രസിഡൻറ് കെ.കെ.െഷല്ലി അധ്യക്ഷത വഹിച്ചു. ജില്ല സെക്രട്ടറി ലാസർ ചെറുവത്തൂർ, അസി.സെക്രട്ടറി ടി.എം.ബാബു എന്നിവർ സംസാരിച്ചു. പ്രകടനത്തിന് പി.കെ. ശേഖരൻ, പി. ശ്രീകുമാർ, കെ.എസ്. വിനോദ്, ടി.എം. ബാബു, ശ്രീജ സത്യൻ, തങ്കമണി, ജോസ് എന്നിവർ നേതൃത്വം നൽകി.