പാർട്ട് പി.ജെ.ആൻറണി ഡോക്യു ഫിലിംെഫസ്റ്റ് 12ന് തുടങ്ങും

തൃശൂർ: പാർട്ട് ഒ.എൻ.എ ഫിലിംസ് തൃശൂർ 18ാം വാർഷികാഘോഷങ്ങളുടെ ഭാഗമായി സംഘടിപ്പിക്കുന്ന പി.ജെ ആൻറണി സ്മാരക ഡോക്യു ആൻഡ് ഷോർട്ട് ഫിലിം ഫെസ്റ്റ് 12 മുതൽ 14 വരെ സാഹിത്യ അക്കാദമി ഹാളിൽ നടക്കും. രാവിലെ ഒമ്പത് മുതൽ എട്ട് വരെയാണ് ഫെസ്റ്റ്. സമാപന സമ്മേളനം 14ന് സംവിധായകൻ പി.ടി. കുഞ്ഞുമുഹമ്മദ് ഉദ്ഘാടനം ചെയ്യും. പി.ജെ. ആൻറണി സ്മാരക പുരസ്കാരം നിലമ്പൂർ ആയിഷക്ക് സാഹിത്യ അക്കാദമി പ്രസിഡൻറ് വൈശാഖൻ സമ്മാനിക്കും. സംഗീത സംവിധായകൻ വിദ്യാധരൻ അധ്യക്ഷത വഹിക്കുമെന്ന് രക്ഷാധികാരി ബിന്നി ഇമ്മട്ടി, ജനറൽ കൺവീനറും ജൂറി അംഗവുമായ ചാക്കോ ഡി. അന്തിക്കാട്, കെ.ആർ. അജിത്ത്ബാബു, ശ്രീജിത്ത് പുറനാട്ടുകര എന്നിവർ വാർത്താസമ്മേളനത്തിൽ അറിയിച്ചു.