സംഭരണ വിതരണ കേന്ദ്രം ഉദ്ഘാടനം ചെയ്തു

സംഭരണ-വിതരണ കേന്ദ്രം തുറന്നു വെള്ളാങ്ങല്ലൂർ: ജില്ല പഞ്ചായത്ത് പദ്ധതിയിൽ ഉൾപ്പെട്ട കാർഷിക സംഭരണ-വിതരണ കേന്ദ്രം വെള്ളാങ്ങല്ലൂർ കൃഷിഭവനിൽ പ്രവർത്തനമാരംഭിച്ചു. ജില്ല പഞ്ചായത്തംഗം എൻ.കെ. ഉദയപ്രകാശ് ഉദ്ഘാടനം ചെയ്തു. പഞ്ചായത്ത് പ്രസിഡൻറ് പ്രസന്ന അനിൽകുമാർ അധ്യക്ഷത വഹിച്ചു. കൃഷി ഓഫിസർ പി. റിങ്കു പദ്ധതി വിശദീകരിച്ചു. പഞ്ചായത്ത് വൈസ് പ്രസിഡൻറ് ഉണ്ണികൃഷ്ണൻ കുറ്റിപ്പറമ്പിൽ ആദ്യവിൽപന നടത്തി. നിഷ ഷാജി, എ.കെ. മജീദ്, മണി മോഹൻദാസ്, ഷമ്മി ജോസഫ്, രേണുക സുഭാഷ്, രേഖ സുരേഷ്, ഷംസു വെളുത്തേരി എന്നിവർ സംസാരിച്ചു.