ഭരതൻസ്മൃതി

വടക്കാഞ്ചേരി: ഭരതൻ വിടവാങ്ങിയതി​െൻറ 19ാം വാർഷിക ദിനത്തിൽ ജന്മനാട് സംഘടിപ്പിച്ചു. ഭരതൻ ഫൗണ്ടേഷനും കേരള വർമ പബ്ലിക് ലൈബ്രറിയും ചേർന്നാണ് പരിപാടി സംഘടിപ്പിച്ചത്. ഭാര്യയും നടിയുമായ കെ.പി.എ.സി.ലളിത ഉദ്ഘാടനം ചെയ്തു. ജയരാജ് വാര്യർ ഭരതൻ അനുസ്മരണ പ്രഭാഷണം നടത്തി. ലൈബ്രറി പ്രസിഡൻറ് വി.മുരളി അധ്യക്ഷത വഹിച്ചു. നഗരസഭ വൈസ് ചെയർമാൻ എം.ആർ.അനൂപ് കിഷോർ, കാൺസിലർ സിന്ധു സുബ്രഹ്മണ്യൻ, തിരക്കഥാകൃത്തുക്കളായ ജോൺസൺ പോണല്ലൂർ, റഷീദ് പാറയ്ക്കൽ, ഫൗണ്ടേഷൻ കൺവീനർ സി.രവീന്ദ്രനാഥ്, അസി.പൊലീസ് കമീഷണർ ടി.എസ്. സിനോജ്, ഡോ.സി.ആർ. ഇന്ദിരാദേവി, വേണു മച്ചാട് എന്നിവർ സംസാരിച്ചു.