സൗത്ത്​ ഇന്ത്യൻ ബാങ്ക്​ മൂന്ന്​ മഹനീയ വനിതകളെ ആദരിക്കുന്നു

തൃശൂർ: 89ാം വാർഷിക ആഘോഷങ്ങളുടെ ഭാഗമായി സൗത്ത് ഇന്ത്യൻ ബാങ്ക് മൂന്ന് മഹനീയ വനിതകളെ ആദരിക്കുന്നു. ജൂലൈ 30ന് കൊച്ചിയിൽ 'എസ്.െഎ.ബി മഹിള അച്ചീവേഴ്സ് ദിന' വേദിയിലാണ് ചടങ്ങ് നടക്കുക. പ്രമുഖ കളരിപ്പയറ്റ് അഭ്യാസിയായ മീനാക്ഷി ഗുരുക്കൾ, പിന്നണി ഗായിക സുജാത മോഹൻ, സ്പോർട്സ് താരം അഞ്ജു ബോബി ജോർജ് എന്നിവരെയാണ് ആദരിക്കുക. മമ്മൂട്ടി മുഖ്യാതിഥിയാകും. എസ്.െഎ.ബി മഹിള ഉദ്യോഗ് എന്ന പേരിൽ വനിതകൾക്കായി ഏർപ്പെടുത്തുന്ന പ്രത്യേക വായ്പാ പദ്ധതിയുടെ ഉദ്ഘാടനം ചടങ്ങിൽ ശീമാട്ടിയുടെ സി.ഇ.ഒ ബീന കണ്ണനും ബാങ്കി​െൻറ ബ്രാൻഡ് അംബാസഡർ മമ്മൂട്ടിയും ചേർന്ന് നിർവഹിക്കും. ചടങ്ങിനുശേഷം കലാസായാഹ്നവുമുണ്ടാകും.