കലുങ്ക് നിർമാണത്തിന് പൊളിച്ചറോഡ് അപകടക്കെണി

മേത്തല:- കലുങ്ക് നിർമാണത്തിനായി പൊളിച്ച റോഡ് ടാറിടാത്തതുമൂലം അപകടം പതിവാകുന്നു. മേത്തല ഫീനിക്സ് സ്കൂളിന് സമീപത്തെ റോഡിലാണ് സംഭവം. കലുങ്കിന് ഇരുഭാഗത്തുമുള്ള കുണ്ടും കുഴിയും നികത്താത്തതാണ് അപകടത്തിനിടയാക്കുന്നത്. നിരവധി ഇരുചക്രവാഹനങ്ങളാണ് ഈ ഭാഗത്ത് അപകടത്തിൽപെടുന്നത്. സൈക്കിളിന് പോലും പോകാനാകാത്ത സ്ഥിതിയാണ്. റോഡി​െൻറ ശോച്യാവസ്ഥ ഉടൻ പരിഹരിക്കണമെന്ന് നാട്ടുകാർ ആവശ്യപ്പെട്ടു. കലുങ്ക് നിർമാണത്തിൽ അപാകതയുണ്ടെന്നാരോപിച്ച് നാട്ടുകാർ നിർമാണം തടഞ്ഞിരുന്നു. ഇതിനുശേഷം മാസം മുമ്പാണ് നിർമാണം പൂർത്തിയാക്കിയത്.