'കൊരട്ടി പ്രസ് പൂട്ടാനുള്ള കേന്ദ്രസർക്കാർ നീക്കം ഉപേക്ഷിക്കണം'

' കൊരട്ടി: ജില്ലയിലെ പ്രധാന കേന്ദ്ര സർക്കാർ സ്ഥാപനമായ കൊരട്ടിയിലെ ഇന്ത്യാ പ്രസ് അടച്ച് പൂട്ടാനുള്ള കേന്ദ്രസർക്കാർ നീക്കം ഉപേക്ഷിക്കുക, ഉപയോഗശൂന്യമായ ബാക്കിസ്ഥലം സംസ്ഥാന സർക്കാർ ഏറ്റെടുക്കുക തുടങ്ങി ആവശ്യങ്ങൾ ഉന്നയിച്ച് സി.പി.എം കൊരട്ടി ലോക്കൽ കമ്മിറ്റിയുടെ നേതൃത്വത്തിൽ ജനകീയ കൂട്ടായ്മ നടത്തി. ബി.ഡി. ദേവസി എം.എൽ.എ ഉദ്ഘാടനം ചെയ്തു. ലോക്കൽ സെക്രട്ടറി എം.ജെ. ബെന്നി അധ്യക്ഷത വഹിച്ചു. ടി.എ. ജോണി, ജില്ല പഞ്ചായത്ത് അംഗം കെ.ആർ. സുമേഷ്, കെ.പി. തോമസ്, പി.വി. ഷാജൻ, കുമാരി ബാലൻ, സി.ഡി. പോൾസൻ, ഷിബു വർഗീസ് എന്നിവർ സംസാരിച്ചു.