മാമ്പ്രയില്‍ തരിശ് ഭൂമിയിൽ കൃഷിയിറക്കി

മാള: അന്നമനട പഞ്ചായത്ത് . മാമ്പ്ര മഹാദേവ ക്ഷേത്ര ക്ഷേമസമിതി നേതൃത്വത്തില്‍ ക്ഷേത്ര പറമ്പില്‍ തരിശ് കിടന്ന രേണ്ടക്കർ കൃഷി യോഗ്യമാക്കിയത്. ഹരിത ക്ഷേത്രം പദ്ധതി പ്രകാരമാണ് വിത്തിറക്കിയത്. കൊച്ചിന്‍ ദേവസ്വം ബോര്‍ഡി‍​െൻറ കീഴിലുള്ളതാണ് ക്ഷേത്രം. നാട്ടുകാരുടെ സഹകരണത്തോടെയാണ് കൃഷിയിറക്കുന്നത്. അന്നമനട പഞ്ചായത്തിലെ ഒമ്പതാം വാര്‍ഡായ മാമ്പ്രയില്‍ രണ്ടിടങ്ങളില്‍ തരിശ് നെല്‍കൃഷിയും ഒാണത്തിനൊരു മുറം പച്ചക്കറി പദ്ധതിയും നടപ്പാക്കുന്നുണ്ട്. ഒാണത്തിനൊരു മുറം പച്ചക്കറി പദ്ധതി പ്രകാരം 200 സ്കൂള്‍ വിദ്യാർഥികള്‍ക്കും കുടുംബശ്രീ തൊഴിൽ ഗ്രൂപ്പുകള്‍ക്കും വിത്ത് വിതരണം നടത്തിയിട്ടുണ്ട്. ക്ഷേത്ര വളപ്പില്‍ നടന്ന ചടങ്ങില്‍ പഞ്ചായത്തംഗം ടി.വി. ഭാസ്കരന്‍ വിത്തിടല്‍ ഉദ്ഘാടനം ചെയ്തു. ചിറങ്ങര ദേവസ്വം ഒാഫിസര്‍ രഘുരാമന്‍ അധ്യക്ഷത വഹിച്ചു. ക്ഷേത്രം മേല്‍ശാന്തി നാരായണന്‍ നമ്പൂതിരി, കൃഷി ഒാഫിസര്‍ വി.വി. ജോബി, ഫീല്‍ഡ് ഒാഫിസര്‍ ജിതിന്‍ കെ.വിജയൻ, ക്ഷേത്ര ക്ഷേമ സമിതി ഭാരവാഹികളായ എ.എസ്. ബാലൻ, ടി.കെ. സുബ്രന്‍, അരവിന്ദാക്ഷന്‍ എന്നിവര്‍ സംസാരിച്ചു.