മലിനജലം റോഡിൽ: കാൽനടക്കാർക്ക് ദുരിതം

ഗുരുവായൂര്‍ മഞ്ചിറ റോഡിലെ മാൻഹോളിൽ നിന്ന് മലിനജലം റോഡിൽ പരക്കുന്നത് കാൽനടക്കാർക്ക് ദുരിതമായി. മഞ്ചിറ റോഡ് ഔട്ടർ റിങ് റോഡുമായി ബന്ധിക്കുന്ന സ്ഥലത്താണ് മാൻഹോളിൽ നിന്നും മലിനജലം ഒഴുകുന്നത്. ഗുരുവായൂർ ക്ഷേത്രത്തിൽ നിന്നും മമ്മിയൂർ ക്ഷേത്രത്തിലേക്കുള്ള റോഡാണിത്. കാൽനടയായി ഏറെ ഭക്തർ ഇതുവഴി പോകാറുണ്ട്. റോഡിൽ പരന്നു കിടക്കുന്ന മലിന ജലത്തിൽ ചവിട്ടിവേണം ഇവർക്ക് പോകാൻ. ഇതിനുപുറമെ വാഹനങ്ങൾ കടന്നുപോകുമ്പോൾ യാത്രികരുടെ ദേഹത്തേക്ക് വെള്ളം തെറിക്കുന്നതും പതിവാണ്. മാൻഹോളി​െൻറ ചോർച്ച ഒഴിവാക്കാൻ വാട്ടർ അതോറിറ്റി അടിയന്തര നടപടി സ്വീകരിക്കണം. നിഖിൽ ജി. കൃഷ്ണൻ (യൂത്ത് കോൺഗ്രസ് മണ്ഡലം പ്രസിഡൻറ് )