ക്ഷേത്രകവാടം ഭക്തർക്ക് സമർപ്പിച്ചു

ചിറക്കൽ: കുറുമ്പിലാവ് ശ്രീകൃഷ്ണ ക്ഷേത്രത്തിൽ നിർമിച്ച കവാടം കൊച്ചിൻ ദേവസ്വം ബോർഡ് പ്രസിഡൻറ് ഡോ. എം.കെ. സുദർശനൻ ഭക്തർക്ക് സമർപ്പിച്ചു. ക്ഷേത്ര ഉപദേശകസമിതി പ്രസിഡൻറ് സത്യവ്രതൻ കണ്ണോളി അധ്യക്ഷനായി. ദേവസ്വം ബോർഡംഗങ്ങളായ അഡ്വ.ടി.എൻ. അരുൺകുമാർ, കെ.എൻ.ഉണ്ണികൃഷ്ണൻ, സ്പെഷൽ ദേവസ്വം കമീഷണർ വി. ഹരി, സെക്രട്ടറി വി.എ. ഷീജ, തിരുവഞ്ചിക്കുളം അസി.കമീഷണർ വി.ജി. വിദ്യാസാഗർ, പെരുവനം ദേവസ്വം ഓഫിസർ മനീഷ്, ക്ഷേത്രം മേൽശാന്തി വ്യാസ കൃഷ്ണൻ എമ്പ്രാന്തിരി, മാതൃസമിതി സെക്രട്ടറി പി. സാവിത്രി എന്നിവർ സംസാരിച്ചു.