പുഴമ്പള്ളത്തെ രാസമാലിന്യം: പുത്തൂർ പഞ്ചായത്തിന്​ മുന്നിൽ കോൺഗ്രസ്​ പ്രതിഷേധം

ഒല്ലൂർ: പുത്തൂർ പഞ്ചായത്തിൽപെട്ട പുഴമ്പള്ളം പ്രദേശത്ത് രാസമാലിന്യം പുറത്തുവിടുന്ന സ്ഥാപനങ്ങൾക്കെതിരെ നടപടി സ്വീകരിക്കാത്തതിൽ പ്രതിഷേധിച്ച് മണ്ഡലം കോൺഗ്രസ് കമ്മിറ്റി പഞ്ചായത്ത് ഒാഫിസിന് മുന്നിൽ സത്യഗ്രഹ സമരം നടത്തി. ആരോഗ്യവകുപ്പും മലിനീകരണ നിയന്ത്രണ ബോർഡും നടത്തിയ പരിശോധനയിൽ രാസമാലിന്യം ഉള്ളതായി സ്ഥിരീകരിച്ചിരുന്നു. മാലിന്യം ഒഴുക്കുന്ന ഇളംതുരുത്തിയിലെ സ്ഥാപനങ്ങൾക്കെതിരെ നടപടി ആവശ്യപ്പെട്ട് പഞ്ചായത്തിൽ റിപ്പോർട്ട് നൽകിയിട്ടും ഒന്നും നടന്നില്ലെന്നാണ് കോൺഗ്രസ് ആരോപിക്കുന്നത്. പ്രതിഷേധ സമരം ഡി.സി.സി പ്രസിഡൻറ് ടി.എൻ. പ്രതാപൻ ഉദ്ഘാടനം ചെയ്തു. ടി.കെ. ശ്രീനിവാസൻ, ജെയ്ജു സെബാസ്റ്റ്യൻ, നന്ദൻ കുന്നത്ത്, ജോർജ് പന്തപ്പിള്ളി, ബേബി ഡേവിസ്, ബിന്ദു സേതുമാധവൻ, വിനീഷ് പ്ലാശ്ശേരി എന്നിവർ സംസാരിച്ചു.