ദീപം തെളിഞ്ഞു; തർപ്പണ തിരുനാൾ നാളെ

ചാവക്കാട്: പാലയൂർ മാർതോമ അതിരൂപത തീർഥകേന്ദ്രത്തിൽ തർപ്പണ തിരുനാളി​െൻറ വൈദ്യുതി ദീപാലങ്കാര സ്വിച്ച് ഓൺ കുന്നംകുളം ഡിവൈ.എസ്.പി പി. വിശ്വംഭരൻ നിർവഹിച്ചു. തിരുനാൾ സ്മരണിക വിതരണം തൃശൂർ അതിരൂപത സഹായ മെത്രാൻ മാർ റാഫേൽ തട്ടിൽ ഫാ.ജോൺ പോൾ ചെമ്മണ്ണൂരിന് കൈമാറി. റെക്ടർ ഫാ.ജോസ് പുന്നോലിപറമ്പിൽ, സഹവികാരി ഫാ.ജിേൻറാ കുറ്റിക്കാട്ട്, ട്രസ്റ്റി സി.ജെ. അൽജൊ, ജോസ് വടുക്കൂട്ട്, ബിജു ആേൻറാ, പിയൂസ് ചിറ്റിലപ്പിള്ളി, ഇ.എം. സാജൻ, ഷാജു ചെറുവത്തൂർ, സി.ജി. ജെയ്സൺ എന്നിവർ നേതൃത്വം നൽകി. ശനി, ഞായർ ദിവസങ്ങളിലായി നടക്കുന്ന തിരുനാളിന് എല്ലാ ഒരുക്കവും പൂർത്തിയായി. ശനിയാഴ്ച വൈകീട്ട് 5.15 ന് ആഘോഷമായ ദിവ്യബലിയും കൂടുതുറക്കൽ ശുശ്രൂഷയും പ്രദക്ഷിണവും തിരുശേഷിപ്പ് ആശീർവാദവും ഉണ്ടാകും. രാത്രി പേത്താടെ വിവിധ യൂനിറ്റുകളുടെ നേതൃത്വത്തിൽ അമ്പ്, വള, ശൂലം എഴുന്നള്ളിപ്പ് സമാപനം. ഞായറാഴ്ച ആഘോഷമായ ദിവ്യബലി രാവിലെ 9.30 നും രാവിലെ 6.30, ഉച്ചക്ക് രണ്ടിനും നാലിനും ദിവ്യബലി ഉണ്ടാകും. തുടർന്ന് ജൂതം കുന്നിലേക്ക് പ്രദക്ഷിണവും തിരുശേഷിപ്പ് വണക്കവും ഉണ്ടാകും.