ഊരകത്ത് ഇന്ദിരാ ഗാന്ധി ഓർമ മരം നട്ടു

ഇരിങ്ങാലക്കുട: ഇന്ദിരാ ഗാന്ധി ജന്മ ശതാബ്ദിയോടനുബന്ധിച്ച് കോൺഗ്രസ് ഊരകം മേഖലാ കമ്മിറ്റിയുടെ നേതൃത്വത്തിൽ മേഖലയുടെ വിവിധ ഭാഗങ്ങളിൽ ഇന്ദിരാ ഗാന്ധി ഓർമ മരം നട്ടു. ബ്ലോക്ക് പഞ്ചായത്തംഗം തോമസ് തത്തംപിള്ളി ഉദ്ഘാടനം ചെയ്തു. ബൂത്ത് പ്രസിഡൻറ് കെ.എൽ. ബേബി അധ്യക്ഷത വഹിച്ചു. ഡി.സി.സി സെക്രട്ടറി ആേൻറാ പെരുമ്പുള്ളി ഇന്ദിരാ ഗാന്ധി അനുസ്മരണ പ്രഭാഷണവും ബ്ലോക്ക് പ്രസിഡൻറ് ടി.വി. ചാർളി പരിസ്ഥിതി സംരക്ഷണ സന്ദേശവും നൽകി. മണ്ഡലം പ്രസിഡൻറ് ഐ.ആർ. ജെയിംസ്, പഞ്ചായത്തംഗങ്ങളായ എം.കെ. കോരുക്കുട്ടി, ടെസി ജോഷി, ഭാരവാഹികളായ എം.സി. രവി, കെ. സുധാകരൻ എന്നിവർ സംസാരിച്ചു.