വായനക്കാരെ തേടി പുസ്തകങ്ങൾ വീടുകളിലേക്ക്

പാടൂർ: പൊതുജനങ്ങൾക്ക് വായന സൗകര്യം ഒരുക്കുന്നതി​െൻറ ഭാഗമായി അലീമുൽ ഇസ്ലാം ഹയർ സെക്കൻഡറി സ്കൂൾ ഹോം ലൈബ്രറി തുടങ്ങി. മുരളി പെരുനെല്ലി എം.എൽ.എ ഉദ്ഘാടനം ചെയ്തു. 100 വായനക്കാർക്ക് വിദ്യാർഥികൾ വീടുകളിൽ പുസ്തകങ്ങൾ എത്തിച്ചുനൽകുകയും വായനക്കു ശേഷം ശേഖരിക്കുകയും ചെയ്യുന്നതാണ് പദ്ധതി. വെങ്കിടങ്ങ് പഞ്ചായത്ത് വിദ്യാഭ്യാസ സ്ഥിരം സമിതി അധ്യക്ഷ സജ സാദത്ത് അധ്യക്ഷത വഹിച്ചു. ഹെഡ്മാസ്റ്റർ ടി.സി. സെബാസ്റ്റ്യൻ സ്വാഗതം പറഞ്ഞു. തിരഞ്ഞെടുത്ത വായനക്കാർക്കുള്ള ലൈബ്രറി കാർഡ് വിതരണം പ്രിൻസിപ്പൽ ക്യാപ്റ്റൻ കെ.വി. ഫൈസൽ നിർവഹിച്ചു. ഒന്നാം വാർഡ് മെമ്പർ റസിയ ഇബ്രാഹിം, രണ്ടാം വാർഡ് മെമ്പർ അഷ്റഫ് തങ്ങൾ, പി.ടി.എ പ്രസിഡൻറ് ആർ.എ. റഫീഖ്, വൈസ് പ്രസിഡൻറ് എ.ടി. മജീദ്, മുഹ്സിൻ, സ്റ്റാഫ് സെക്രട്ടറി ബീന, വിസി ബോസ്, കെ.കെ. ബീന എന്നിവർ സംസാരിച്ചു. കൺവീനർ ലളിതാമണി നന്ദി പറഞ്ഞു. വിദ്യാർഥികളുടെ കലാപരിപാടി നടന്നു.