വ്യക്തിഗത ആനുകൂല്യങ്ങൾ: ഗ്രാമസഭകൾ തുടങ്ങി

ഏങ്ങണ്ടിയൂർ: -വ്യക്തിഗത ആനുകൂല്യങ്ങളുടെ മുൻഗണന പട്ടിക നിശ്ചയിക്കുന്നതിനുള്ള ഗ്രാമസഭകൾ ഏങ്ങണ്ടിയൂർ ഗ്രാമപഞ്ചായത്തിൽ തുടങ്ങി. 16 വാർഡുകളിലെയും ഗ്രാമസഭകൾ ജൂലൈ 16നകം പൂർത്തിയാക്കും. പദ്ധതികളുടെ കാലതാമസം ഒഴിവാക്കി മാർച്ചിന് മുമ്പേ നിർമാണം പൂർത്തീകരിക്കുകയാണ് ലക്ഷ്യം. രണ്ടാം വാർഡിലെ ഗ്രാമസഭയിൽ ഗ്രാമപഞ്ചായത്ത് പ്രസിഡൻറ് കെ.വി. അശോകൻ അധ്യക്ഷത വഹിച്ചു. വാർഡ് അംഗം ഇർഷാദ് കെ. ചേറ്റുവ, തൊഴിലുറപ്പ് ഓവർസിയർ കെ.എൻ. സുജിനി, പി.പി. പ്രമോദ് എന്നിവർ സംസാരിച്ചു.