വില്ലേജുകളിൽ വിജിലൻസ് പരിശോധന തുടരുന്നു

തൃശൂർ: വില്ലേജ് ഓഫിസുകളിലെ വിജിലൻസി​െൻറ പരിശോധന തുടരുന്നു. വെള്ളിയാഴ്ച പരിശോധന നടത്തിയ മുല്ലശേരി, അന്നകര ഗ്രൂപ് വില്ലേജ്, മുള്ളൂർക്കര, ആറ്റൂർ ഗ്രൂപ് വില്ലേജ് ഓഫിസുകളിലും ക്രമക്കേടുകളും, തീർപ്പാക്കാതെ കിടക്കുന്ന അപേക്ഷകളും നിരവധിയാണ് വിജിലൻസ് കണ്ടെടുത്തത്. ഇവിടങ്ങളിൽ 31 പോക്കുവരവ് അപേക്ഷകൾ നടത്തിക്കൊടുക്കാതിരുന്നത് പിടിച്ചെടുത്തു. പരിശോധനയിൽ ചിറ്റ്സ് ഇൻസ്പെക്ടർ എം.എ. റിയാദ്, എസ്.ആർ.ഒ സി.പി. വിൻസ​െൻറ് എന്നിവരും, വിജിലൻസ് ഇൻസ്പെക്ടർമാരായ കെ.ടി. സലിൽകുമാർ, ബി. രാജേന്ദ്രൻ, എ.എസ്.ഐ ഷാജി ജയപാലൻ, ആൻറണി, സന്തോഷ്, ബിജു, റോബിൻ എന്നിവർ പങ്കെടുത്തു.