തെരുവ് നായ്ക്കളുടെ വിളയാട്ടം; 50 നാടന്‍ കോഴികളെ കൊന്നു

കൊടുങ്ങല്ലൂര്‍: കോഴിഫാമില്‍ കയറിയ തെരുവ് നായ്ക്കള്‍ 50ഓളം നാടന്‍ കോഴികളെ കൊന്നു. ചൊവ്വാഴ്ച അര്‍ധരാത്രി എസ്.എന്‍ പുരം പുതുമന പറമ്പിലാണ് സംഭവം. പടപറമ്പില്‍ വിലാസിനിയുടെ വീട്ടിലാണ് തെരുവ് നായ്ക്കളുടെ വിളയാട്ടം നടന്നത്. മരവും നെറ്റും ഉപയോഗിച്ച് നിര്‍മിച്ച കൂട് തകര്‍ത്താണ് ഇവ അകത്ത് കടന്നത്. പ്രദേശത്ത് തെരുവ്നായ്ക്കളുടെ ശല്യം വര്‍ധിച്ചിരിക്കുകയാണ്. പ്രദേശത്തും പരിസര പ്രദേശങ്ങളിലും കോഴികളെയും ആടുകളെയും തെരുവ് നായ്ക്കള്‍ ആക്രമിക്കുന്നത് ആവര്‍ത്തിക്കുകയാണ്.