വെറ്ററിനറി സര്‍വകലാശാലക്ക് ഫണ്ട് അനുവദിക്കണം –രമേശ് ചെന്നിത്തല

തൃശൂര്‍: വെറ്ററിനറി സര്‍വകലാശാലയുടെ പ്രവര്‍ത്തനത്തിന് ആവശ്യമായ ഫണ്ട് സര്‍ക്കാര്‍ അടിയന്തരമായി അനുവദിക്കണമെന്ന് പ്രതിപക്ഷ നേതാവ് രമേശ് ചെന്നിത്തല ആവശ്യപ്പെട്ടു. സര്‍വകലാശാല വര്‍ക്കേഴ്സ് കോണ്‍ഗ്രസ് സംസ്ഥാന സമ്മേളനം ഉദ്ഘാടനം ചെയ്യുകയായിരുന്നു ചെന്നിത്തല. യൂനിയന്‍ സംസ്ഥാന പ്രസിഡന്‍റ് ജോസഫ് പെരുമ്പിള്ളി അധ്യക്ഷത വഹിച്ചു. ഡി.സി.സി പ്രസിഡന്‍റ് ടി.എന്‍. പ്രതാപന്‍, അനില്‍ അക്കര എം.എല്‍.എ, തേറമ്പില്‍ രാമകൃഷ്ണന്‍, ടി.വി. ചന്ദ്രമോഹന്‍, ഐ.എന്‍.ടി.യു.സി ജില്ല പ്രസിഡന്‍റ് സുന്ദരന്‍ കുന്നത്തുള്ളി, എന്‍.ജി.ഒ അസോസിയേഷന്‍ സംസ്ഥാന സെക്രട്ടറി എന്‍.കെ. ബെന്നി, യു.ഡി.എഫ് ജില്ല ചെയര്‍മാന്‍ ജോസഫ് ചാലിശ്ശേരി, സര്‍വകലാശാല ഭരണസമിതി അംഗം ഡോ. സാബിന്‍ ജോര്‍ജ്, ജോസ് പാലോക്കാരന്‍, എം.ഡി. റോയ് എന്നിവര്‍ സംസാരിച്ചു. ജനറല്‍ സെക്രട്ടറി കെ. സുരേഷ്കുമാര്‍ സ്വാഗതവും കെ.പി. സിജോ നന്ദിയും പറഞ്ഞു.