സാമൂഹിക വിരുദ്ധര്‍ വീട് ആക്രമിച്ചതായി പരാതി

കാഞ്ഞാണി: സാമൂഹിക വിരുദ്ധര്‍ രാത്രിയില്‍ വീടിന്‍െറ ജനല്‍ ചില്ലുകള്‍ അടിച്ച് തകര്‍ക്കുകയും 50 ഓളം വാഴകള്‍ വെട്ടി നശിപ്പിച്ചതായും പരാതി. മണലൂര്‍ ഐ.ടി.ഐക്ക് കിഴക്ക് വലിയ പറമ്പില്‍ കുട്ടന്‍െറ വീടിന് നേരെ ശനിയാഴ്ച അര്‍ധരാത്രി രണ്ടോടെയായിരുന്നു ആക്രമണം. ജനലുകള്‍ തകര്‍ക്കുന്ന ശബ്ദം കേട്ട് വീട്ടുകാര്‍ എഴുന്നേറ്റെങ്കിലും പേടിച്ച് പുറത്തുവന്നില്ല. ഫോണ്‍ വിളിച്ചതോടെ അന്തിക്കാട് പൊലീസ് എത്തിയെങ്കിലും ആക്രമികള്‍ ഓടിപ്പോയി. വീടിന്‍െറ രണ്ട് ജനല്‍ ചില്ലുകളാണ് തകര്‍ത്തത്. വാഴകള്‍ വെട്ടിനശിപ്പിച്ച ആക്രമികള്‍ തെങ്ങിന്‍ തൈയും നശിപ്പിച്ചു. രണ്ട് തെങ്ങുകള്‍ മറിച്ചിടാനുംശ്രമം നടത്തി. രാത്രി പ്രദേശത്ത് കഞ്ചാവ് - മയക്കുമരുന്ന് - മദ്യപന്മാരുടെ ശല്യം ഏറിയിട്ടുണ്ട്. പരാതിപ്രകാരം അന്തിക്കാട് പൊലീസ് കേസെടുത്തു.