കാർഷിക സർവകലാശാലാ കോഴ്​സുകൾക്ക്​ സ്പോട്ട്‌ അഡ്മിഷൻ

തൃശൂർ: കേരള കാർഷിക സർവകലാശാലയുടെ ഡിപ്ലോമ ഇൻ അഗ്രികൾച്ചറൽ സയൻസസ്‌, ഡിപ്ലോമ ഇൻ ഓർഗാനിക്‌ അഗ്രികൾച്ചർ കോഴ്സുകളിലേക്ക്‌ അടുത്തമാസം 13ന്‌ സ്പോട്ട്‌ അഡ്മിഷൻ നടത്തുന്നു. സർവകലാശാലയുടെ കീഴിലുള്ള പട്ടാമ്പി ഐ.എ.ടി ആൻഡ് ആർ.എ.ആർ.എസിൽ നടത്തുന്ന രണ്ടുവർഷത്തെ ഡിപ്ലോമ ഇൻ അഗ്രികൾച്ചറൽ സയൻസ്‌, വെള്ളായണി കാർഷിക കോളജിൽ നടത്തുന്ന ഒരു വർഷത്തെ ഡിപ്ലോമ ഇൻ ഓർഗാനിക്‌ അഗ്രികൾച്ചർ കോഴ്സുകളിലേക്ക്‌ പ്രവേശനം ആഗ്രഹിക്കുന്നവർ രാവിലെ 10ന് വെള്ളാനിക്കരയിലുള്ള സർവകലാശാലാ ആസ്ഥാനത്ത്‌ എത്തണം. ഡിപ്ലോമ ഇൻ അഗ്രികൾച്ചറൽ സയൻസിന്‌ ധീവര, ഒ.ബി.എക്സ്‌ വിഭാഗങ്ങളിൽ ഓരോ ഒഴിവുകളും ഡിപ്ലോമ ഇൻ ഓർഗാനിക്‌ അഗ്രികൾച്ചറിന്‌ വിവിധ വിഭാഗങ്ങളിലായി ഒമ്പത് ഒഴിവുകളുമാണുള്ളത്‌. സർവകലാശാല അംഗീകരിച്ച റാങ്ക്‌ പട്ടികയിൽ ഉൾപ്പെട്ടവർ മാത്രമേ സ്പോട്ട്‌ അഡ്മിഷന്‌ ഹാജരാകേണ്ടതുള്ളൂ. വിവരങ്ങൾക്ക്‌ www.admissions.kau.in