നോക്കുകൂലിക്കാരെന്ന്​ ആക്ഷേപിച്ച്​ പുറന്തള്ളാൻ ശ്രമം ^എ.​െഎ.ടി.യു.സി

നോക്കുകൂലിക്കാരെന്ന് ആക്ഷേപിച്ച് പുറന്തള്ളാൻ ശ്രമം -എ.െഎ.ടി.യു.സി തൃശൂർ: ചുമട്ടുതൊഴിലാളികളെ നോക്കുകൂലിക്കാരെന്ന് ആക്ഷേപിച്ച് പുറത്താക്കാനുള്ള ശ്രമം നടക്കുകയാണെന്ന് എ.െഎ.ടി.യു.സി സംസ്ഥാന സെക്രട്ടറി എ.എൻ. രാജൻ പറഞ്ഞു. ജില്ല ലോഡിങ്-അൺലോഡിങ് ജനറൽ വർക്കേഴ്സ് ചുമട്ടുതൊഴിലാളി ക്ഷേമബോർഡിലേക്ക് നടത്തിയ മാർച്ചും ധർണയും ഉദ്ഘാടനം ചെയ്യുകയായിരുന്നു അദ്ദേഹം. തൃശൂർ സി.എം.എസ് സ്കൂളിന് മുന്നിൽനിന്ന് മാർച്ചിനുശേഷം ക്ഷേമ ബോർഡിനുമുന്നിൽ നടന്ന ധർണയിൽ യൂനിയൻ ജില്ല പ്രസിഡൻറ് സി.സി. മുകുന്ദൻ അധ്യക്ഷത വഹിച്ചു. ജില്ല സെക്രട്ടറി എം.ആർ. ഭൂപേശ്, ജോയൻറ് ഭാരവാഹികളായ പി. ശ്രീകുമാർ, വി.ആർ. മനോജ്, എം.എൻ. രാമകൃഷ്ണൻ എന്നിവർ സംസാരിച്ചു.