പാചക വാതക സബ്‌സിഡി; പ്രതിഷേധം തുടരുന്നു

വാടാനപ്പള്ളി: പാചകവാതക സബ്‌സിഡി ഒഴിവാക്കാനുള്ള കേന്ദ്ര സർക്കാർ നീക്കത്തിൽ പ്രതിഷേധിച്ച് മുസ്‌ലിം യൂത്ത് ലീഗ് മണലൂർ നിയോജക മണ്ഡലം കമ്മിറ്റിയുടെ നേതൃത്വത്തിൽ അടുപ്പ് കൂട്ടി സമരം നടത്തി. ജില്ല പ്രസിഡൻറ് കെ.കെ. അഫ്‌സൽ ഉദ്ഘാടനം ചെയ്തു. നിയോജക മണ്ഡലം പ്രസിഡൻറ് നിസാർ മരുതയൂർ അധ്യക്ഷത വഹിച്ചു. ജില്ല ജന. സെക്രട്ടറി എ.എം. സനൗഫൽ മുഖ്യപ്രഭാഷണം നടത്തി. അറക്കൽ അൻസാരി, ആർ.എസ്. ഷെക്കീർ, എ.സി. അബ്്ദുറഹ്മാൻ, കെ.എ ദിൽഷാദ്, പി.എ. മുജീബ്, ആർ.എ ഹാരിസ്, മേപ്പറമ്പിൽ കുഞ്ഞിമോൻ, വി.എസ് അക്ബർ തുടങ്ങിയവർ സംസാരിച്ചു.