സ്വകാര്യ പറമ്പിലേക്ക് ശുചിമുറി മാലിന്യം; കംഫർട്ട് സ്്റ്റേഷൻ അടപ്പിച്ചു

തൃപ്രയാർ: സ്വകാര്യ പറമ്പിലേക്ക് ശുചിമുറി മാലിന്യം ഒഴുക്കിയ ഗ്രാമപഞ്ചായത്തി​െൻറ കംഫർട്ട് സ്റ്റേഷൻ ബി.ജെ.പി പ്രവർത്തകർ അടപ്പിച്ചു. തൃപ്രയാർ ബസ് സ്റ്റാൻഡിലെ കംഫർട്ട് സ്റ്റേഷനാണ് ബുധനാഴ്ച രാവിലെ അടപ്പിച്ചത്. ഇവിെടനിന്നുള്ള മാലിന്യം ഇയ്യാനി തോട്ടുങ്ങൽ സുജിത്തി​െൻറ പറമ്പിലേക്കാണ് ഒഴുകുന്നത്. ഇതുസംബന്ധിച്ച് നാട്ടിക ഗ്രാമ പഞ്ചായത്തിൽ പരാതി നൽകിയിരുന്നു. നടപടിയൊന്നുമുണ്ടാകാത്ത സാഹചര്യത്തിലാണ് ബി.ജെ.പി നാട്ടിക പഞ്ചായത്ത് കമ്മിറ്റി പ്രതിഷേധവുമായി രംഗത്തെത്തിയത്. ബി.ജെ.പി പഞ്ചായത്ത് കമ്മിറ്റി ഭാരവാഹികളായ എ.കെ. ചന്ദ്രശേഖരൻ, ലാൽ ഊണുങ്ങൽ, സുജിത്ത് കൊച്ചുരാമൻ, രാജേഷ് കാരയിൽ, വിനു രാജ്, ദേവദാസ് , സി.ജെ. ജിനു, സത്യരാജ്, രഘുവിവേകാനന്ദ എന്നിവർ സംസാരിച്ചു.