കൂ​രി​ത്ത​റ​യിൽ ​പാ​ടം നി​ക​ത്തു​ന്ന​ത്​ ത​ട​ഞ്ഞു

തൃപ്രയാർ: പാടം മണ്ണിട്ട് നികത്തുന്നത് കോൺഗ്രസ് പ്രവർത്തകർ തടഞ്ഞു. വലപ്പാട് പഞ്ചായത്ത് 19ാം വാർഡ് കൂരിത്തറയിലാണ് പാടം നികത്താൻ ശ്രമം നടന്നത്. വെള്ളക്കെട്ടു മൂലം ദുരിതം അനുഭവിക്കുന്ന കൂരിത്തറ കോളനി വാസികൾക്ക് പാടം നികത്തുന്നതോടെ കൂടുതൽ ദുരിതം അനുഭവിക്കേണ്ടിവരും. ഇതുസംബന്ധിച്ച് പഞ്ചായത്ത് അധികൃതർക്ക് പരാതി നൽകിയെങ്കിലും നടപടി ഉണ്ടായില്ല. തുടർന്നാണ് മണ്ണിടൽ തടഞ്ഞതെന്ന് കോൺഗ്രസ് പ്രവർത്തകർ പറഞ്ഞു. തഹസിൽദാർക്ക് പരാതി നൽകിയതിനെത്തുടർന്ന് വില്ലേജ് ഒാഫിസിൽനിന്ന് റിപ്പോർട്ട് ആവശ്യപ്പെട്ടു. തളിക്കുളം ബ്ലോക്ക് അംഗം കെ.ജെ. യദുകൃഷ്ണ, ലോഹിതാക്ഷൻ, ആനന്ദൻ, എ.എസ്. ശ്രീജിൻ, വൈശാഖ് എന്നിവർ നേതൃത്വം നൽകി. ഇവിടെ നിന്ന് മണ്ണ് മുഴുവൻ നീക്കംചെയ്യണമെന്നും ഇവർ ആവശ്യപ്പെട്ടു.